Volski: Zabaranić «Biełuju jabłyniu hromu» — zabaranić biełaruskuju litaraturu
Muzyka adpraŭlajecca ŭ tur pa Biełarusi z prahramaj «Biełaja jabłynia hromu».
Muzyka adpraŭlajecca ŭ tur pa Biełarusi z prahramaj «Biełaja jabłynia hromu».
Paśla zabarony kancerta Lavona Volskaha i «Krambambuli» ŭ Minsku, heta budzie sproba sustrecca sa słuchačom u rehijonach. Pieršyja kancerty pavinny adbycca ŭ Hrodnie i Breście.
«Takuju adukacyjnuju, navat aśvietnickuju padzieju nie mohuć zabaranić», — iranična zaŭvažyŭ muzyka ŭ razmovie z karespandentam NN. Jon ličyć, što
kvitki na kancerty pavinny vykupacca adździełami kultury harvykankamaŭ. I raspaŭdžvacca siarod členaŭ BRSM, lepšych pracaŭnikoŭ miascovych pradpryjemstvaŭ, navucencaŭ licejaŭ.
Pa słovach muzyki, na kancerty ŭ Hrodnie i Breście ŭžo padpisany damovy.
«Biełaja jabłynia hromu» — prahrama Lavona Volskaha na vieršy ajčynnych paetaŭ: Čačota, Mickieviča, Bahuševiča, Bahdanoviča, Kupały, Kołasa, Broŭki, Tanka, Kulašova, Hienijuš, Pančanki, Baradulina. Akramia hetaha na kancertach prahučać i novyja pieśni.
«U kožnym horadzie turne jość niejkaja pryviazka da prahramy. — U Hrodnie žyŭ Maksim Bahdanovič, i ciapier hety dom staŭ muziejem. A ŭ Breście, skažam, univiersitet nazvany imiem Puškina. Tamu treba pakazać, što i našyja puškiny nie horšyja. Da taho ž, niania Puškina była biełaruskaj… Karaciej, usio źviazana!»
Ale muzyka nie vyklučaje, što za dzień da kancertaŭ mohuć uźniknuć prablemy z kanalizacyjaj u kancertnych załach. Ale spadziajecca, što ŭłady pojduć nasustrač.
A kali kancerty zabaroniać, to zabaroniać lepšyja tvory z ajčynnaj litaratury.
Paśla Hrodna i Bresta «Biełuju jabłyniu hromu» čakajuć u Viciebsku, Homieli i Mahilovie.
Hrodna, 25 krasavika (paniadziełak). Kancertnaja zała fiłarmonii (vuł. Harnavych, 17). Pačatak a 19.00. Kvitki ŭ kasach fiłarmonii. Teł. dla daviedak 8 (0152) 527248, 527151.
Brest, 28 krasavika (čaćvier). Brescki abłasny hramadska-kulturny centr (vuł. Kamunistyčnaja, 1). Pačatak a 19.00. Kvitki ŭ kasach fiłarmonii. Teł. dla daviedak 8 (0162) 95-93-01, 23-21-50; 8 (029) 313-21-50.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi17
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary