Advakaty nie pahadžajucca ź Miniustam

Advakaty Hanna Bachcina i Darja Lipkina, jakija nie prajšli inicyjavanuju Ministerstvam justycyi Biełarusi pazačarhovuju atestacyju, majuć namier adstojvać svajo prava na prafiesijnuju dziejnaść.

Hanna Bachcina, jakaja abaraniała Irynu Chalip, paviedamiła BiełaPAN, što zrabiła piśmovuju zajavu ŭ atestacyjnuju kamisiju, u jakoj abjaviła pra svoj namier abskardzić jaje rašeńnie. Advakat čakaje pałažeńnie pra abskardžańnie, jakoje joj pakul nie pradstaŭlena. "Ad svaich płanaŭ, ad svaich žadańniaŭ abaraniać siabie samu ja nie admaŭlajusia, i budu rabić heta ŭ poŭnaj miery", — zajaviła Bachcina.

Darja Lipkina, jakaja abaraniała fihuranta kryminalnaj spravy ab masavych biesparadkach Mikitu Lichavida, taksama zajaviła BiełaPAN, što nie zhodna z rašeńniem atestacyjnaj kamisii. Niahledziačy na toje što Lipkina nie prajšła kamisiju, jana praciahvaje svaju dziejnaść. "Atestacyjnaja kamisija nie maje prava što-niebudź vyrašać nakont spynieńnia paŭnamoctvaŭ abo praciahu dziejnaści", — rastłumačyła advakat. Zhodna z praceduraj materyjały pracy atestacyjnaj kamisii pieradajucca ŭ kvalifikacyjnuju kamisiju, jakaja na ich padstavie pavinna prymać jakija-niebudź rašeńni. Hetyja rašeńni možna abskardzić u sudovym paradku. "Jakoje rašeńnie budzie nakont mianie, ja nie viedaju, ale z admoŭnym rašeńniem, biezumoŭna, nie pahadžusia", — skazała Lipkina.

Rašeńnie ab pazačarhovaj atestacyi advakataŭ z 15 červienia pa 15 vieraśnia Miniust pryniaŭ u mai "ŭ metach pavyšeńnia adkaznaści advakataŭ za vykanańnie dziaržaŭnych funkcyj pa zabieśpiačeńni pravoŭ i svabod fizičnych i jurydyčnych asob, jakasnaha vykanańnia prafiesijnych abaviazkaŭ pa akazańni kvalifikavanaj jurydyčnaj dapamohi".

Pasiadžeńnie atestacyjnaj kamisii, na jakim abmiarkoŭvałasia pazbaŭleńnie advakackich licenzij Hanny Bachcinoj i Darji Lipkinaj, prajšło 26 lipienia.

30 lipienia biełaruskija pravaabaroncy nakiravali zvarot śpiecyjalnamu dakładčyku AAN pa pytańni niezaležnaści sudździaŭ i advakataŭ Habryele Knaŭl, u jakim vykazvajuć zaniepakojenaść bieśpierapynnym naciskam na advakackuju supolnaść Biełarusi.

Jak raniej paviedamlałasia, u lutym Miniust pazbaviŭ licenzij čatyroch advakataŭ Minskaj haradskoj kalehii advakataŭ — Aleha Ahiejeva, Taćcianu Ahiejevu, Uładzimira Toŭścika i Tamaru Harajevu, jakija abaraniali fihurantaŭ spravy ab masavych biesparadkach u Minsku 19 śniežnia. 6 sakavika sa składu kalehii byŭ vyklučany advakat Pavieł Sapiełka.

• 0
• 0
• 0
• 0
• 0
• 0
• 0
• 0