Kavaloŭ: «Mnie kazali: pryznavajsia, atrymaješ dva hady za niedaniasieńnie, inačaj 25 za teraryzm»

(Abnaŭlałasia anłajn, chranałahičny paradak zachavany. Materyjały ad našaha kar. čarhujucca z materyjałami infarmacyjnych ahienctvaŭ.)

Sa śviedčańniaŭ Kavalova na papiarednim śledstvie (praciah) (začytana sudom).

Kavaloŭ sumku Kanavałava paśla vychadu z vakzała 10 krasavika pastaviŭ prosta na ziamlu i pahladzieŭ unutr. Ubačyŭ tam dźvie butelki płastykavyja 5-litrovyja niejkaha rečyva, ćviordaha. Butelki sinija prazrystyja. Nakrytyja papieraj biełaj (čyrvonaj?). Ad vady butelki, ale biez etykietak. Kruhłyja butelki. Rečyva žaŭtavataje moža. Butelki lažali poŭnyja rečyva. U hetym adździaleńni sumki, zdajecca, bolš ničoha nie było.

Ź jakoj metaj Kanavałaŭ pryvioz vybuchoŭku? Skazaŭ, što źbirajecca zrabić vybuch u mietro. Ale nie skazaŭ, na jakoj stancyi. Kavaloŭ ŭsurjoz nie ŭspryniaŭ adrazu słovy Dźmitryja.

Z pakazańniaŭ Kavalova, Kanavałaŭ chacieŭ uzarvać, bo rana ci pozna paraŭnajuć jaho adbitki z tymi, što byli na vybuchoŭcy kala steły ŭ Minsku i ŭsio roŭna pasadziać. Źbiraŭsia nibyta skončyć žyćcio samahubstvam paśla vybuchu. I pakazvaŭ Kavalovu tabletki dla hetaha, kali zasialiŭsia ŭžo na zdymnuju kvateru (kvateru źniaŭ na try dni).

Kanavałaŭ pakazvaŭ Kavalovu niešta kštałtu radyjopieradatčyka, z dapamohaj jakoha chacieŭ uzarvać vybuchoŭku. Biełaja tabletka, kštałtu kampjutarnaj «myšy», ale mienšaja. Ź siniaj knopkaj. Pakazvaŭ 11 krasavika, paśla taho jak Kavaloŭ pryjechaŭ z pracy. Pieradatčyk Kanavałaŭ, pa słovach Kavalova, dastaŭ z kišeni.

Kali daviedaŭsia z navinaŭ pra vybuch u mietro, Kavaloŭ zrazumieŭ, što heta zrabiŭ Dźmitryj Kanavałaŭ. Pra vybuch z Kanavałavym razmaŭlali 12 krasavika. Dźmitryj skazaŭ, što heta jon ździejśniŭ vybuch. Skazaŭ, što kali prachodziŭ kala turnikietaŭ u mietro, supracoŭniki milicyi navat nie pahladzieŭ na jaho.

Zhodna z materyjałami spravy, Kavaloŭ bačyŭ momant, kali Kanavałaŭ padklučaŭ draty ŭ vybuchoŭcy. Stajaŭ u toj momant i nie puskaŭ tudy Janiu — sačyŭ, kab dziaŭčyna nie zazirnuła.

Praciah suda 19 vieraśnia, paniadziełak. Pačatak, a 11.00.

* * *

Dźmitryj Kanavałaŭ chacieŭ skončyć žyćcio samahubstvam.

Pra heta śviedčyć tekst dopytu Kavalova na stadyi papiaredniaha rasśledavańnia, jaki ciapier u sudzie apaviaščaje bok abvinavačvańnia, paviedamlaje BiełTA.

U pratakole jość słovy Kavalova ab tym, što Kanavałaŭ pakazvaŭ jamu niezadoŭha da teraktu 11 krasavika niejkija tabletki (pihułki) ŭ žełacinavaj abałoncy. Dźmitryj zajaviŭ, što maje namier pryniać hety preparat, kab pakončyć z saboj. Adnak niezrazumieła, kali mienavita jon chacieŭ heta zrabić.

* * *

Z pakazańniaŭ Kavalova ŭ sudzie, paviedamlaje reparcior NN:

Na śledstvie Kavaloŭ skazaŭ, što viedaŭ, što vybuchi ŭ Minsku i Viciebsku ździejśniŭ Kanavałaŭ, ale ciapier admaŭlajecca ad hetych śviedčańniaŭ, bo davaŭ ich pad psichałahičnym ciskam. Kavaloŭ zajaviŭ, što z Kanavałavym byŭ znajomy ź pieršaha kłasa škoły — vučylisia razam.

Kavaloŭ zakončyŭ 11 kłasaŭ. Z 2005 pa 2007 hh. pracavaŭ elektramancioram na čyhuncy, zakončyŭ kursy ad biržy pracy, na jakuju staŭ, bo trapiŭ pad skaračeńnie. Zatym pracavaŭ u Viciebskenierhabudzie elektramancioram 2 hady (da 2009 hoda). Pracavaŭ paśla ŭ Viciebsku ŭ budaŭničym upraŭleńni da listapada 2010 hoda. Zvolniŭsia, bo chacieŭ pierajechać u Minsk, dzie płanavaŭ uładkavacca na pracu, a paśla zaniacca svajoj spravaj. 25 kastryčnika 2010 h. pierajechaŭ u Minsk. Pierad adjezdam sustrakaŭsia z Kanavałavym, kazaŭ pra pierajezd.

Maci z baćkam nie žyvuć razam. Jość ajčym. U vojsku Kavaloŭ nie słužyŭ pa stanie zdaroŭja.

Kanavałaŭ z armii pisaŭ i zvaniŭ niekalki razoŭ Kavalovu, praz «Vkontaktie» jany mieli znosiny. Kanavałaŭ praz mabilny telefon vychodziŭ u internet u vojsku.

Paśla prychodu z vojska Kanavałava była adna z razmovaŭ, padčas jakoj skazaŭ, što z vajenčastki pryvioz dva vohnietušylniki. Kavaloŭ bačyŭ adzin paśla ŭ padvale ŭ Kanavałava. Ź jakoj metaj pryvioz — nie tłumačyŭ.

9 krasavika 2011 Kanavałaŭ z Kavalovym razmaŭlali pa telefonie, było heta kala 10–11 hadzin ranicy.

Heta byŭ pieršy kantakt z Kanavałavym u 2011 hodzie

(za vyklučeńniem 1 studzienia 2011). Dźmitryj skazaŭ, što na nastupnym dzień pryjazdžaje ŭ Minsk i paprasiŭ sustreć. Razmaŭlali chviliny try. Praz chvilin 10–20 Kanavałaŭ znoŭ pierazvaniŭ.

Sustrelisia 10 krasavika na čyhunačnym vakzale.

Kanavałaŭ byŭ ź vialikaj sumkaj. Nieśli jaje razam.

Metaj pryjezdu Kanavałaŭ nazvaŭ pryjezd «pa spravach». Kavaloŭ, zaznačyŭ, što bolš i nie raspytvaŭsia. Pajechali na mietro ŭ ryełtarskuju firmu pa vulicy Karala. Kanavałaŭ šukaŭ kvateru niedaloka ad centra i pobač ź mietro. Pajšli na kvateru. Pry zasialeńni Dźmitryj pieranios sumku za šyrmu. Kvatera była adnapakajovaja. Pasiadzieli, Kavaloŭ kuryŭ. Było prykładna 13–14 hadzin. Vyjšli ŭ horad, kupili harełki, sałataŭ, viarnulisia ŭ kvateru. Vypili. Kanavałaŭ prapanavaŭ pazvanić znajomym dziaŭčatam: napr., dziaŭčynie, ź jakoj paznajomiŭsia praz sacyjalnyja sietki i ź jakoj nie bačyŭsia ni razu. Kavaloŭ skazaŭ, kab toj zvaniŭ. Razmaŭlali niekalki hadzin za harełkaj. Kolki dakładna, nie pamiataje. Kupili paru plašak.

Dźmitryj vychodziŭ, kali pili harełku, ale da pryjezdu dziaŭčat. Kavaloŭ adhavorvaŭ jechać, maŭlaŭ, što Kanavałaŭ budzie adzin rabić. Ale Kanavałaŭ skazaŭ, što chutka vierniecca. Kavaloŭ zastaŭsia.

Kanavałaŭ viarnuŭsia praz paŭhadziny-hadzinu. Kavaloŭ hladzieŭ televizar i paliŭ. Kanavałaŭ sychodziŭ biez sumki. Pa viartańni Kanavałava jašče vypili. Ničoha pra pajezdku nie skazaŭ.

Kanavałaŭ pazvaniŭ znajomaj Jani (da adjezdu ci paśla, nie pomnić). Damovilisia sustrecca na viečar. Skazaŭ, što jana budzie ź siabroŭkaj. Jak i pieršaja, dla kampanii. Pajšli sustreli dziaŭčat kala vychadu ź mietro. Schadzili za vinom. Mahčyma, jašče harełku kupiŭ Kanavałaŭ, Kavaloŭ nie pomnić. Doma pačali razmaŭlać. Temy razmoŭ nie pomnić. Dziaŭčaty pili vino, chłapcy — harełku. Praź niejki čas adna dziaŭčyna sabrałasia i syšła. Zastałasia Jania Pačyckaja (?). Sa śledstva viedaje, što Dźmitryj ź Janiaj chadzili pravieści dziaŭčynu. Ale sam hetaha nie pomnić. Kaža, što byŭ pjany.

Spać Kavaloŭ loh na kanapu. Dziaŭčyna z Kanavałavym lahli razam na łožak za šyrmaj.

Ranicaj Kavaloŭ pračnuŭsia. Kanavałaŭ ź dziaŭčynaj pračynalisia ŭ toj momant. Jana pabudziła Kavalova, kab toj išoŭ na pracu. U Kanavałava byŭ adklučany mabilnik — nie pracavaŭ budzilnik. Pajechaŭ na pracu.

Da abiedu byŭ na pracy. Paśla syšoŭ. Z pracy syšoŭ samavolna. Chacieŭ chutčej viarnucca da siabra. U 12.30–13.00 viarnuŭsia na kvateru da Kanavałava (toj zaprašaŭ prychodzić paśla pracy).

Nabraŭ damafon — nichto nie adamknuŭ.

Paśla jašče raz. Biezvynikova. Vyrašyŭ pačakać. Vyjšła Jania z padjezda. Skazała, što Dzima chutka pryjdzie. Kanavałaŭ viarnuŭsia z sadavinoj, pivam, praduktami. Razmaŭlali, hladzieli televizar, muzyku słuchali. Razmaŭlali ni pra što. Vypivali krychu. Kanavałaŭ mienš, čym Kavaloŭ.

Paśla Kanavałaŭ zusim pierastaŭ pić. Skazaŭ, što treba budzie adjechać pa spravach.

(Sa śviedčańniaŭ Jani Pačyckaj, Kanavałaŭ prasiŭ dziaŭčynu nahadać, što jamu treba ŭ kankretny čas źjechać; ci nahadvała jana, Kavaloŭ nie pamiataje.)

Bližej da viečara Kanavałaŭ pakidaŭ kvateru. Kavaloŭ bačyŭ, jak toj sychodziŭ, ale nie viedaje, dzie ŭ toj momant była sumka.

Kavaloŭ skazaŭ, što Kanavałaŭ źbiraŭsia jechać praź mietro. I Kavaloŭ prapanoŭvaŭ nie jechać, maŭlaŭ, jaho, vypiŭšaha, u mietro nie puściać. Razmova takaja była chvlin za 15 da sychodu Kanavałava.

Viarnuŭsia Kanavałaŭ u čornaj bałonievaj kurtcy na małancy. Kavaloŭ kaža, što kurtka staraja, bačyŭ jaje jašče ŭ Viciebsku. Šapka zimovaja była na hałavie. Viazanaja. Čornaja z nadpisam ciomna-žoŭtaha koleru. Nie moža skazać, ci ŭ hetaj vopratcy toj sychodziŭ.

Na Kanavałavu, pa słovach Kavalova, byli ciomnyja džynsy. Na ŭzroŭni kaleniaŭ byli kišeni. Abutak — spartovyja bacinki ci krasoŭki.

Ci ŭ hetaj vopratcy Kanavałaŭ pakidaŭ kvateru, Kavaloŭ nie pamiataje.

Pry Kavalovu Kanavałaŭ u sumku nie łaziŭ. Sumka spartovaja była, santymietraŭ 60–70 ŭ daŭžyniu. 30–40 sm vyšyni. Nadpis na sumcy — West, marka cyharet. Sumka čornaja albo ciomna siniaja.

Paśla sychodu Kanavałava Kavaloŭ ź dziaŭčynaj byli razam. Razmaŭlali.

Dzieści praz hadzinu viarnuŭsia Kanavałaŭ. Viasioły nastroj byŭ. Kaža, što ŭvohule jon viasioły čałaviek.

Viasioły nastroj prajaŭlaŭsia ŭ žartach, uśmiešcy.

«Jak prajšli spravy?» — «Narmalna».

Bolš Kavaloŭ i nie pytaŭsia.

Znoŭ pačali vypivać. Hladzieli televizar. Bačyli repartaž ź mietro. «Dzima ŭ heta čas užo spaŭ». Adreahavali ź Janiaj ździŭleńniem. Kanavałava nie budzili ŭ hety momant. Adjezd Kanavałava nie źviazvali z hetymi padziejami.

Kanavałaŭ spaŭ za šyrmaj. Kavaloŭ loh razam ź Janiaj.

12 krasavika Kavaloŭ nie pajšoŭ na pracu. Hladzieli ranišnija naviny pra vybuch. Skazaŭ načalstvu, što nie moža pryjechać, bo mietro nie pracuje. Praciahvali vypivać.

Razmaŭlali pra repartaž ź mietro. Kanavałaŭ hladzieŭ ranišni repartaž taksama. Kavaloŭ nie pomnić emocyi Kanavałava na repartaž. Paśla prahledžanaha nie abmiarkoŭvali padziej u mietro. Jania zasmuciłasia i raspłakałasia. Kanavałaŭ supakojvaŭ dziaŭčynu słovami. Paśla vyklučyli televizar. Słuchali muzyku i vypivali da viečara. Nie pomnić, kab niechta vychodziŭ z kvatery.

Lehli spać, a 21-22-j hadzinie. Razbudzili milicyjanty.

Kavaloŭ kaža, što lažaŭ na kanapie. Ubačyŭ čałavieka ŭ mascy i ŭ formie. Dzima siadzieŭ ŭ kajdankach u vitalni. Adzieli kajdanki i Kavalovu. Pytalisia, čamu dźviery nie admykali. Vyvodzili taksama, jak i ŭ sud pryvodziać (sahnutych, z padniatymi zzadu rukami).

Sumku Kavaloŭ nie bačyŭ z taho momantu, jak 10 krasavika pryjechali z Kanavałavym na zdymnuju kvateru.

«Nas adviali ź Dźmitryjem na dopyt. Ja byŭ na 2 paviersie ŭ kabiniecie budynka HUBAZ. Pačas dopytu mnie skazali, ź jakoj metaj zatrymali. Skazali, što moj siabra jość na kadrach. Ale mnie ŭ toj dzień pakazali, jak Kanavałaŭ prachodzić z sumkaj u mietro. Paznaŭ jaho. Dalej praciahvałasia daznańnie.

Z adnaho z susiednich kabinietaŭ ja pačuŭ kryk Kanavałava.

Apieratyŭny rabotnik skazaŭ, što heta nie Kanavałaŭ kryčyć. Ale ja jaho paznaŭ». Kaža, što heta mahło być zroblena naŭmysna, kab zapužać Kavalova tymi krykami. Było heta prykładna praz 20 chvilin paśla taho, jak ich pryvieźli ŭ HUBAZ. Zatym jaho pieraviali na inšy pavierch i praciahnuli dopyt. Skazali, što «Lepš tabie, parień, priznať».

Skazali, što tolki 2 hady za niedaniasieńnie atrymaje. A za teraryzm u lepšym vypadku 25 hadoŭ, a ŭ horšym «łob zialonkaj namažuć».

Zapužali, što Kavalovu nichto nie pavieryć, što toj ničoha nie viedaŭ. Spužaŭsia rasstrełu. «Supracoŭnikaŭ tych ja dobra pomniu i mahu apaznać».

«Ja davaŭ śviedčańni, bo byŭ napałochany. Ja ŭpeŭnieny, što Dźmitryj nie ŭzryvaŭ bombu ŭ 2011 hodzie. Mała što mnie pakazali. Prosta hulaje… Prajšoŭ praz turnikiet».

Kaža, što byŭ adzin udar u hrudzi. Maŭlaŭ, u mietro štodnia jeździć žonka opiera, i jon nie strymaŭsia.

Mianie dapytvali da ŭdziełu advakata», — skazaŭ Kavaloŭ.

Advakat byŭ pradstaŭleny Kavalovu. Jaho paśviedčańnia abvinavačany nie bačyŭ.

Pieršy raz dapytali paśla zatrymańnia. U pratakole jon nie zafiksavany. Pad pratakoł dapytvali, mahčyma, praz hadzinu.

Kavaloŭ prachodziŭ 21 dzień sudova-psichijatryčnaj ekśpiertyzy. Pa słovach Kavalova, u «Navinkach».

* * *

Śviedčańni Kavalova z materyjałaŭ spravy adnosna epizoda 11 krasavika 2011 hoda — začytana sudom.

Inšyja śviedčańni davaŭ pra toje, što viedaŭ pra namier Kanavałava ŭzarvać mietro. Viedaŭ, što ŭ sumcy Kanavałaŭ pryvioz vybuchoŭku. Kali ŭskinuŭ sumku na plačo, Kanavałaŭ skazaŭ tak bolš nie rabić. Patłumačyŭ, što tam vybuchoŭka. «Ja navat i nie ŭspryniaŭ usurjoz». Na vulicy Kavaloŭ zazrinuŭ u sumku. Kavaloŭ spytaŭsia, navošta vybuchoŭka. Kanavałaŭ skazaŭ, što jon maje dačynieńnie da vybuchu kala steły ŭ Minsku. Tam byli dźvie vybuchoŭki. Ale adnu znajšli. I na joj zastalisia adbitki palcaŭ Kanavałava. Ale ŭ jaho adbitki palcaŭ nie ŭziali. A ciapier spachapilisia, što ŭ bazie jaho adbitkaŭ palcaŭ niama. I spačatku pozvaj vyklikali, a paśla dadomu pryjšli i adkatali. I ciapier, maŭlaŭ, niama čaho hublać.

Pra vybuch u steły ŭ Minsku Kanavałaŭ raskazaŭ pra vybuch Kavalovu adrazu paśla padziei ŭ 2008 hodzie. U Viciebsku. Sa śviedčańniaŭ Kavalova, Kanavałaŭ pajechaŭ u Minsk, źniaŭ kvateru. Uviečary ŭziaŭ vybuchoŭki ŭ pakietach ad soku i pajechaŭ na hulańnie. Paśla adna ŭzarvałasia, a druhaja — nie. Vybuchoŭku vyrabiŭ sam. Udzielničaŭ u vybuchu Kanavałaŭ adzin. Metu ŭčynku nie raskazvaŭ.

Pa materyjałach spravy, Kavaloŭ viedaŭ, što Kanavałaŭ ździejśniŭ vybuchi ŭ Viciebsku.

Pra 11.04 skazaŭ, što dobra vypiŭ i adklučyŭsia. A Kanavałaŭ uziaŭ sumku i pajechaŭ na mietro.

U adnosinach da Jani skazaŭ, što pieraharadziŭ darohu joj da šyrmy, kab jana nie ŭbačyła vybuchovaje prystasavańnie. Skazaŭ tak, maŭlaŭ, kab dziaŭčynu nie abvinavacili ni ŭ čym i nie pryciahvali da dopytaŭ.

Siarhiej Makarevič

* * *

Internet i mabilnaja suviaź u zale suda nie pracujuć, tamu my nie majem paviedamleńniaŭ ad ułasnaha reparciora. Ale karespandenty łukašenkaŭskich ahienctvaŭ BiełTA i Interfaks niejkim čynam paviedamleńni z suda pieradajuć. My pieradrukoŭvajem ich paviedamleńni, a pad viečar dałučycca i pierakaz našaha karespandenta.

13.45

Uładzisłaŭ Kavaloŭ zajaviŭ siońnia ŭ sudzie, što hladzieŭ repartaž ab vybuchu viečaram 11 krasavika, a Dźmitryj Kanavałaŭ u hety čas spaŭ, paviedamlaje BiełTA.

Kavaloŭ niaŭpeŭniena havoryć ab tym, što Kanavałaŭ 11 krasavika kuplaŭ śpirtnoje: «Pa-mojmu, jon harełku jašče prynosiŭ… Žartavaŭ, śmiajaŭsia». Uvieś hety dzień u kvatery była dziaŭčyna, ź jakoj Kanavałaŭ paznajomiŭsia praz sacyjalnuju sietku.

U hety dzień jany dapazna vypivali, skazaŭ Kavaloŭ. Prykładna na hadzinu Kanavałaŭ adłučyŭsia z kvatery. Kavaloŭ spačatku skazaŭ, što nie viedaŭ, kudy dakładna idzie jaho znajomy, a potym dadaŭ:

«Ja nie chacieŭ, kab jon pjany jechaŭ u mietro».

Na pytańnie, adkul ža jon daviedaŭsia, što Kanavałaŭ pojdzie ŭ mietro, Kavaloŭ nie zmoh adkazać dakładna, niekalki razoŭ błytaŭsia, a potym zajaviŭ, što ab hetym jamu skazaŭ sam Dźmitryj.

Praź niekatory čas paśla taho, jak Kanavałaŭ viarnuŭsia, Uładzisłaŭ hladzieŭ televizar razam ź dziaŭčynaj: «Bačyli repartaž ab vybuchu. Tam pakazvali kadry ź mietrapalitena. My ź Janaj siadzieli na kanapie, a Dzima, pa-mojmu, spaŭ užo… My nie całkam hladzieli heta». Pavodle słoŭ Kavalova,

jon i dziaŭčyna byli šakavanyja.

Adłučku Kanavałava padsudny Kavaloŭ, pavodle jaho słoŭ, nie źviazvaŭ z teraktam. Jon śćviardžaje taksama, što z 10 krasavika nie źviartaŭ uvahi na toje, dzie była sumka Dźmitryja.

Kavaloŭ dadaŭ, što 12 krasavika Jana Pačyckaja płakała, hledziačy repartaž ab vybuchu, a Kanavałaŭ supakojvaŭ jaje. «Dźmitryj havaryŭ, što ŭsio budzie dobra», — skazaŭ padsudny.

Dopyt Kavalova pradaŭžajecca ŭžo prykładna dźvie hadziny. Prakurory vielmi padrabiazna raspytvajuć ab jaho suviazi ź inšym padsudnym, ab padziejach, jakija byli 11 krasavika i napiaredadni, u što byŭ apranuty Kanavałaŭ, kudy i kolki razoŭ vychodziŭ sa zdymnaj kvatery i h.d., paviedamlaje BiełTA.

13.45

Kanavałaŭ i Kavaloŭ pili harełku i byli ź dziaŭčatami ŭ dzień terakta 11 krasavika, pieradaje z zały suda ahienctva BiełTA.

Uładzisłaŭ Kavaloŭ śćviardžaje, što ničoha nie viedaŭ ab rychtujecca vybuchu ŭ mietro: «Ja nie cikaviŭsia, ź jakoj metaj jon [Kanavałaŭ] pryjechaŭ». Prakuror spytaŭ Kavalova: «Čamu vas heta nie cikaviła?» Padsudny adkazaŭ koratka: «Nie viedaju».

Paśla da ich pryjechali znajomyja dziaŭčaty i, pa słovach Kavalova, jany kupili vina, moža, i harełki, pajšli ŭsie na kvateru. «Tam havaryli, bałbatali ni pra što. Dziaŭčaty vino pili, my ź Dźmitryjem — harełku. Adna dziaŭčyna sabrałasia i syšła. Zastałasia Jana Pačyckaja», — skazaŭ abvinavačany. Što było dalej, jon pamiataje drenna: «Byŭ pjany… Ja na kanapie zasnuŭ. Jana zastałasia, byccam by, ź Dźmitryjem za šyrmaj». Ranicaj 11 krasavika hetaja dziaŭčyna razbudziła Kavalova, i jon pajechaŭ na pracu.

U toj ža dzień Kavaloŭ viarnuŭsia na kvateru, bo na pracy «było rabić niama čaho». «Ja syšoŭ z pracy samavolna», — pryznaŭsia Uładzisłaŭ. U kvateru jaho ŭpuściła Jana, a prykładna praz 10–15 chvilin pryjšoŭ Kanavałaŭ: «Prynios piva, sadavinu, sałatu… My razmaŭlali, televizar hladzieli. Dźmitryj vypivaŭ mała. Skazaŭ, što treba budzie źjeździć kudyści i pić nie budzie» .

Kavaloŭ taksama rastłumačyŭ, što Dźmitryj Kanavałaŭ praciahvaŭ žyć i pracavać u Viciebsku. Sam ža Uładzisłaŭ pierabraŭsia ŭ Minsk jašče ŭ listapadzie 2010 hoda. «Zdymaŭ kvateru kala traktarnaha zavoda, pracavaŭ elektramancioram», — raspavioŭ pra siabie Kavaloŭ.

Uładzisłaŭ Kavaloŭ taksama pryznaŭsia na sudzie, što 12 krasavika jany ź Dźmitryjem Kanavałavym i znajomaj dziaŭčynaj praciahvali pić ałkahol.

«Ja nie pajšoŭ na pracu. Sačkanuŭ. Zmaniŭ načalstvu i nie pajechaŭ. My znoŭ ža praciahvali vypivać, hladzieli ranišnija naviny, repartaž pra mietrapaliten», — skazaŭ na sudzie Kavaloŭ.

Praź niejki čas usie jany lahli spać. «Mianie abudzili supracoŭniki ŭ maskach. Ź milicyi, napeŭna… Dzima siadzieŭ u pieradpakoi. Mianie taksama pasadzili», — rastłumačyŭ Kavaloŭ. Paśla jon skazaŭ, što jaho dapytvali ŭ HUBAZ MUS, paviedamlaje BiełTA.

13.30

Siońnia ŭ sudzie Uładzisłaŭ Kavaloŭ zajaviŭ, što Dźmitryj Kanavałaŭ nie ŭzryvaŭ bombu ŭ mietro, pieradaje ahienctva BiełTA.

Kavaloŭ skazaŭ: «Ja dumaju, Dźmitryj nie ŭzryvaŭ bombu ŭ 2011 hodzie. Ci mała što tam pakazvali (majucca na ŭvazie kadry videanahladu, na jakich Dźmitryj Kanavałaŭ idzie ŭ mietro z sumkaj na stancyju „Kastryčnickaja“, a paśla vybuchu nazad — biez sumki». Jon śćviardžaje, što jamu nibyta pakazvali kadry, dzie Kanavałaŭ išoŭ z sumkaj u mietro, ale nie pakazali, dzie Dźmitryj byŭ užo biez sumki.

Na sudzie 15 vieraśnia Kanavałaŭ vyrazna zajaviŭ, što pryznaje svaju vinu pa samamu hučnamu epizodu — vybuchu 11 krasavika ŭ minskim mietro.

Taksama Kavaloŭ zajaviŭ, što Dźmitryj Kanavałaŭ ź dziacinstva zachaplaŭsia piratechnikaj i rabiŭ uzryŭpakiety.

«My viedali adzin adnaho ź pieršaha kłasa. Napeŭna, vučylisia razam da vośmaha… U Kanavałava było zachapleńnie chimijaj i piratechnikaj. Uzryŭpakiety ŭzryvali razam, u asnoŭnym na Novy hod. Uzryvali na vulicy, nie ličačy epizodaŭ z uzryvam škła (u padjezdach)», — skazaŭ Kavaloŭ. Pry hetym jon tak i nie zmoh dakładna skazać, ci byli jany siabrami.

Kavaloŭ adznačyŭ: «Ja jamu daviaraŭ».

U toj ža čas skazaŭ: «U nas byli ahulnyja intaresy». Ale jakija mienavita, nie ŭdakładniŭ.

Kavaloŭ paćvierdziŭ, što ŭ Kanavałava było pamiaškańnie ŭ padvale: «Tolki ja nie ŭpeŭnieny, kali jano źjaviłasia. Ja byvaŭ u hetym padvale. Piva piŭ, muzyku słuchali». Jon rastłumačyŭ, što heta było ŭžo nie ŭ školnym uzroście, paviedamlaje BiełTA.

13.00

Abvinavačany pa spravie ab terakcie ŭ minskim mietro, ​​mierkavany saŭdzielnik vykanaŭcy i arhanizatara teraktaŭ Dźmitryja Kanavałava Uładzisłaŭ Kavaloŭ zajaviŭ u sudzie pra cisk na jaho padčas papiaredniaha śledstva.

«Svaje pakazańni na papiarednim śledctvie nie paćviardžaju, bo jany byli dadzieny pad ciskam», — zajaviŭ V. Kavaloŭ ŭ zale suda, pieradaje karespandent ahienctva «Interfaks-Zachad».

Kavaloŭ raspavioŭ, što jon znajomy z Kanavałavym ź pieršaha kłasa, ale nijakich «złaviesnych» schilnaściaŭ jon nie zaŭvažaŭ. Zachaplaŭsia chimijaj, padryvali razam ŭzryŭpakiety, u asnoŭnym na vulicy, na Novy hod «.

Kavaloŭ śćviardžaje, što ŭ apošni čas nie mieŭ znosinaŭ z Kanavałavym, a potym pierajechaŭ u Minsk. Maŭlaŭ, navat admoviŭsia ad zaprašeńnia papić piva 1 studzienia, kali naviedvaŭ baćkoŭ u Viciebsku.

Kavaloŭ kaža, što Kanavałaŭ pierad 9 krasavika «pazvaniŭ, skazaŭ, što choča prybyć u Minsk zaŭtra», — padkreśliŭšy, što Dźmitryj «nie kazaŭ ab daktyłaskapii», admoviŭšysia tym samym ad papiarednich pakazańniaŭ.

«Sustrelisia na vakzale, Dźmitryj byŭ z torbaj, skazaŭ — u Minsk pa spravach. Zasialilisia, vyrašyli papić harełki za sustreču, zaprasili dziaŭčat, jašče da pryjezdu dziaŭčat Kanavałaŭ kudyści adychodziŭsia. Schadzili ŭ kramu, kupili harełki», — skazaŭ jon.

Prakurora Stuka vielmi cikaviła, jak Kanavałaŭ reahavaŭ na dziejańni Kavalova, jaki padnosiŭ torbu, jak pieranosili torbu, jakija emocyi byli ŭ Kanavałava.

10.40

Uviali Dźmitryja Kanavałava.

Abodva abvinavačanyja prysieli. U rukach u Kavalova — pakiet, vidać, z dakumientami.

10.38

Uviali Uładzisłava Kavalova. Pierad hetym milicyjant pravieryŭ kletku. Za im nahladajuć troje milicyjantaŭ, što stajać pobač z kletkaj.

10.05–10.25

Pačali zapuskać ludziej u zału suda. U zale, raźličanaj na paru socień čałaviek, pakul nie bolš za paŭsotni. I heta za paŭhadziny da pačatku pasiadžeńnia. Supracoŭnica suda adznačyła, što siońnia budzie mienš ludziej.

Abvinavačanych jašče nie pryvieźli.

Internet i mabilnaja suviaź pakul jašče pracujuć.

* * *

Adnoj z najbolšych niečakanaściaŭ pieršaha dnia pracesu Kanavałava-Kavalova stała chadajnictva adnoj z paciarpiełych, jakaja, faktyčna, vykazała niedavier da śledstva i suda.

Pradstaŭnik adnoj z paciarpiełych Alaksandr Kruty paprasiŭ pieranieści sud, pakul u Biełarusi nie budzie admieniena śmiarotnaje pakarańnie i pakul nie ŭviedzieny sud prysiažnych. Adnak sudovaja kalehija adchiliła jahonaje chadajnictva.

Maci inšaha paciarpiełaha, Taćciana Aleksandryja, zajaviła, što nie vieryć, što «hetyja dvoje mahli ŭčynić taki terakt».

«Ja zajaŭlaju chadajnictva paciarpiełaj Krutoj, my patrabujem da pačatku sudovaha pracesu admianić u Biełarusi śmiarotnaje pakarańnie jak atrybut varvarstva i ŭvieści instytut prysiažnaha sudavodstva, kab jany zmahli pryniać rašeńnie pa hetym pytańni», — zajaviŭ spadar Kruty.

Akramia taho, pradstaŭnik paciarpiełaj zaznačyŭ, što jaho dačka «šosty miesiac jak pazbaŭlenaja ŭsich srodkaŭ da isnavańnia, da siońniašniaha dnia joj nie apłočany ni adzin balničny listok».

Paciarpieły Saakian zajaviŭ, što dałučajecca da chadajnictva ŭ častcy taho, što i jamu «nie dali mahčymaści aznajomicca z materyjałami spravy». Pa słovach paciarpiełaha, heta vyklikaje ŭ jaho sumnievy ŭ jakaści śledstva.

Niekatoryja miarkujuć, što adna sa śpiecsłužb mahła viedać ab padrychtoŭcy terakta, ale — vypadkova ci naŭmysna — nie praduchiliła jaho.

Mnohija nie vierać, što dva pustadumki mahli 6 hadoŭ zastavacca niabačnymi dla śpiecsłužb i milicyi ŭ krainie z najvialikšaj praporcyjaj siłavikoŭ na dušu nasielnictva i represiŭnym režymam.

U toj ža čas prakuratura ŭpeŭnienaja: abvinavačvanyja dziejničali z kryva zrazumietaha pačućcia samarealizacyi. Abvinavačańnie ličyć, što za vykanaŭcami nie stajać nijakija zakazčyki.

Mierkavany arhanizatar i vykanaŭca terakta ŭ minskim mietro Dźmitryj Kanavałaŭ imknuŭsia supraćpastavić siabie hramadstvu i destabilizavać hramadski paradak, zajaviŭ, začytvajučy abvinavačvańnie padsudnamu, namieśnik hienieralnaha prakurora Biełarusi Alaksiej Stuk.

Na dumku prakuratury, Kanavałavym ruchała «imknieńnie supraćpastavić svaju asobu intaresam hramadstva, prademanstravać ŭsiodazvolenaść i nieapraŭdanuju ahresiju, atrymać maralnaje zadavalnieńnie ad pracesu biespakaranaści za svaje złačynstvy, kryva zrazumietaha pačućcia samarealizacyi i svajoj pieravahi nad ludźmi i hramadstvam u cełym, z metaj destabilizacyi hramadskaha paradku i zastrašvańnia nasielnictva».

Što da Kavalova, to matyvam jahonych dziejańniaŭ abvinavačvańnie ličyć kryva zrazumietaje pačućcie tavarystva.

Jak pieradaje karespandent ahienctva «Interfaks», Kanavałaŭ słuchaŭ abvinavačvańnie biez bačnaha cikavaści. Siadzieŭ nieruchoma, hledziačy ŭ padłohu, nie vykazvajučy nijakich emocyj ni ŭ momanty, kali prakuror apisvaŭ vybuchovyja pryłady, ni kali havorka išła ab zabojstvie ludziej i pryčynieńni škody dzieciam. Jon rabiŭ uražańnie abyjakavaha, stomlenaha čałavieka, časam paziachaŭ

. Jaho naparnik Uładzisłaŭ Kavaloŭ słuchaŭ abvinavačvańnie taksama biez bačnych emocyj, adnak, časam vyjaŭlajučy słabuju cikavaść da pramovy prakurora.

Sa słovaŭ karespandenta ahienctva,

apranutyja abvinavačanyja byli ŭ džynsy i spartovyja kurtki, tufli, adnak na Kanavałavu čamuści nie było škarpetak.

Na fotach z zały suda Dźmitryj Kanavałaŭ pieravažna staić, apuściŭšy vočy dołu. U toj ža čas Uładzisłaŭ Kavaloŭ staić z vysoka ŭźniataj hałavoj.

Kletka abvinavačanych padzielenaja šklanoj pieraharodkaj na dźvie častki. Takim čynam, Kanavałaŭ i Kavaloŭ nie majuć mahčymaści kantaktavać miž saboj u časie pracesu.

Kanavałaŭ pryznaŭ vinu pa vybuchach 11 krasavika 2011 hoda ŭ minskim mietro i vybuchu na 3 Lipienia 2008 hoda ŭ Minsku. Pa bolš rańnich epizodach, pačynajučy z 2000 hoda, jon viny nie pryznaje.

Kavaloŭ pryznaŭ vinu pa vypadkach chulihanstva ad 2000 da 2002 hoda, ale padkreślivaje, što hetyja vypadki nie nieśli pahrozy žyćciu.

Svajoj viny pa abvinavačvańni ŭ niedaniasieńni ab vybuchach u Viciebsku ŭ 2005 h. nie pryznaje. Jon taksama nie paćviardžaje svaich pakazańniaŭ, jakija davaŭ ciaham śledstva. Viny pa epizodach 2008–2011 hoda taksama nie paćviardžaje. Ad pakazańniaŭ, jakija davaŭ padčas śledstva, admaŭlajecca.

Kavaloŭ tolki pryznaŭ, što kuplaŭ traciłavyja šaški i pradavaŭ ich.

Pasiadžeńnie budzie praciahnutaje ŭ piatnicu ab 11-j.

Praces adkryta, ale na chadajnictva adnaho z paciarpiełych, Ciuciunova, sud zabaraniŭ fota- i videazdymku ŭ časie pracesu. Reparciory majuć tolki kadry, zroblenyja pierad pačatkam pracesu.

Ź nieviadomaj pryčyny ŭ zale błakujecca internet i sotavaja suviaź

. Tamu paviedamleńni z suda traplajuć ź nievialikimi zatrymkami.

* * *

Nižej prapanujem paviedamleńni z suda za 15 vieraśnia.

16:50

Paviedamlaje «Interfaks»: Mierkavany arhanizatar i vykanaŭca teraktu ŭ minskim mietro Dźmitryj Kanavałaŭ imknuŭsia supraćpastavić siabie hramadstvu i destabilizavać hramadski paradak, zajaviŭ, začytvajučy abvinavačvańnie padsudnamu, namieśnik hienieralnaha prakurora Biełarusi Alaksiej Stuk.

Na dumku prakuratury, D. Kanavałavym ruchała «imknieńnie supraćpastavić svaju asobu intaresam hramadstva, prademanstravać ŭsiodazvolenaść i nieapraŭdanuju ahresiju, atrymać maralnaje zadavalnieńnie ad pracesu biespakaranaści za svaje złačynstvy, kryva zrazumietaha pačućcia samarealizacyi i svajoj pieravahi nad ludźmi i hramadstvam u cełym, z metaj destabilizacyi hramadskaha paradku i zastrašvańnia nasielnictva».

Jak pieradaje karespandent ahienctva, D. Kanavałaŭ słuchaŭ abvinavačvańnie biez bačnaha cikavaści. Siadzieŭ nieruchoma, hledziačy ŭ padłohu, nie vykazvajučy nijakich emocyj ni ŭ momanty, kali prakuror apisvaŭ vybuchovyja pryłady, ni kali havorka išła ab zabojstvie ludziej i pryčynieńni škody dzieciam. Jon rabiŭ uražańnie abyjakavaha, stomlenaha čałavieka, časam paziachaŭ. Jaho naparnik Uładzisłaŭ Kavaloŭ słuchaŭ abvinavačvańnie taksama biez bačnych emocyj, adnak, časam vyjaŭlajučy słabuju cikavaść da pramovy prakurora.

Sa słovaŭ karespandenta ahienctva, apranutyja abvinavačanyja byli ŭ džynsy i spartovyja kurtki, tufli, adnak na Kanavałavu čamuści nie było škarpetak.

Što da Kavalova, to matyvam jahonych dziejańniaŭ abvinavačvańnie ličyć kryva zrazumietaje pačućcie tavarystva.

Pieršyja vybuchovyja pryłady, vyrablenyja Kanavałavym, składalisia z elemientaŭ, kupić jakija možna ŭ volnym prodažy.

Jany pryvodzilisia ŭ dziejańnie šlacham padpału knota. Potym Kanavałaŭ staŭ vykarystoŭvać tryaceton piraksid albo dyaceton piraksid, a taksama hadzińnikavy miechanizm u jakaści tajmiera vybuchoŭnika.

Prakuror na praciahu dvuch hadzin pieraličvaŭ «złačynnuju bijahrafiju Kanavałava».

Sudździa, jak pieradaje karespandent ahienctva, prapanavaŭ skaracić ahučvańnie złačynnych epizodaŭ, bo jany viadomyja ŭsim udzielnikam pracesu, adnak abarona Kanavałava paprasiła ahučyć abvinavačańnie ŭ poŭnym abjomie.

Pavodle acenki abvinavačvańnia, vybuch u mietro Kanavałaŭ rychtavaŭ ź lipienia 2010 hoda. Vybuchovaje rečyva było źmiašanaha typu, vahoj 12,5 kh, było vyrablena na asnovie amijačnaj saletry, uratrapinu, aluminijevaj pudry i tryacetona piraksida. Vybuchoŭnik ŭ samarobnaj bombie byŭ elektryčnaha typu, a sama pryłada — askołačna-fuhasnaha dziejańni.

10 krasavika, pa słovach abvinavačanaha Kanavałava, jon pryvioz vybuchoŭku ŭ Miensk, ź joj ža jon razam z V. Kavalovym jeździŭ u mietro, ​​u ahienctva nieruchomaści, dzie jany zaklučyli dahavor arendy. Pierad ustaloŭkaj vybuchoŭki Kanavałaŭ pravioŭ raźviedku, vyśviatliŭ šlachi adychodu i sposab ustanoŭki vybuchovaj pryłady.

16:12

14:02

Advakaty — Abraziej i Lepretaŭ.

Bok abvinavačvańnia pradstaŭlajujać: namieśnik hienieralnaha prakurora: Alaksiej Stuk, staršyja śledčyja Cimafiejeŭ i Mirončyk.

Vystupiŭ adzin paciarpieły Ciuciunoŭ, jaki vykazaŭsia suprać taho, kab u zale suda viałasia fota- i videazdymka, choć astatnija paciarpiełyja byli nie suprać. Sudździa zadavoliŭ prośbu.

Było začytana abvinavačvańnie na adras Dźmitryja Kanavałava, jakomu inkryminujecca 12 epizodaŭ spravy:

Tak, u pryvatnaści, śćviardžajecca, što pačynajučy ad 2000 h. Kanavałaŭ nabyvaŭ i asabista rabiŭ vybuchoŭku, štoraz pavyšajučy svajo majsterstva, «demanstrujučy adkryty vyklik hramadstvu».

Epizody spravy:

1. U kastryčniku-śniežni 2000 h. samarobnaja vybuchoŭka była zakładziena ŭ padjeździe doma na vulicy Biaduli.

2. U sakaviku-listapadzie 2001 hoda adbyŭsia vybuch na vulicy 39-j armii, vybuchoŭka była zakładziena ŭ padjeździe doma. Pry vybuchu prysutničaŭ taksama treci piersanaž: Rumiancaŭ.

3. Leta 2002 h. Vybuchoŭka była zakładziena ŭ fasad budynka biblijateki imia Jakuba Kołasa vulicy 39-j armii.

4. Žnivień 2003 hoda. Vybuchoŭka była zakładziena na piešachodnaj ściežcy pablizu vulicy 39-j armii. Heta byli draŭlanyja kałočki z naciahnutym na ich drotam. Praduhledžavałasia, što čałaviek pry ruchu čaplaje drot — vybuchoŭka spracoŭvaje. U vyniku paciarpieŭ małahadovy Kuksionak.

5. 10 lipienia 2004 hoda. Padpał hazietnaha šapika na vulicy Horkaha.

6. Vybuch pablizu stancyi Hryšany (Viciebskaha rajona). Tyja ž samyja kołyški i drot, jaki začapiŭ, jedučy na rovary, hramadzianin Šałudkievič. Atrymaŭ traŭmy ŭ vyhladzie parušeńniaŭ orhanaŭ słychu.

7. 3 kastryčnika 2004 hoda. Stancyja «Hryšany». Znoŭ tyja samyja kołyški i drot. Paciarpieŭ Kałucki, jaki atrymaŭ niaznačnyja termičnyja apioki.

8. Sakavik 2005 hoda. Padpał mašyny RAF na vulicy Repina.

9. 14 vieraśnia 2005 hoda vybuch u Viciebsku na rahu vulic Repina i Frunze (heta pieršy ź pieraličanych epizodaŭ, jaki kvalifikujecca jak akt vandalizmu). Paciarpieli 2 čałavieki.

10. 22 vieraśnia 2005 hoda. Vybuch u Viciebsku pa adrasie Lenina, 35 (kala kaviarni «Erydan»), paciarpieli 55 čałaviek. Vybuchoŭka była zakładziena ŭ bancy ad piva «Aleksandryja».

11. Noč na 4 lipienia 2008 h. Vybuch u Minsku na praśpiekcie Pieramožcaŭ, u dzień dziaržaŭnaha śviata 3 Lipienia. Spracavała 375 hram traciłu, jakija Kanałavaŭ nabyŭ u Kavalova. Vybuchoŭka była zamarudžanaha dziejańnia. Pierad hetym Kanavałaŭ pryjazdžaŭ u Minsk ź Viciebska dla aznajamleńnia; jon zdymaŭ kvateru pa adrasie Zasłaŭskaja, 103. Vybuchoŭka była zakładziena ŭ dva pakiety z-pad soku: pieršaja ŭ pakiet «Sadočka», jana nie spracavała (514 hajek). Druhaja — u pakiet z-pad soku «Moja sieḿja». Heta vybuchoŭka spracavała. Paciarpieła 54 čałavieki, 47 źviarnulisia pa miedycynskuju dapamohu.

12. Apošni epizod. Vybuch na stancyi minskaha mietro «Kastryčnickaja» 11 krasavika 2011 hoda. Heta była sumiesievaje bryzantnaje vybuchovaje rečyva, u skład jakoha ŭvachodziła amijačnaja saletra, aluminijevaja pudra, uratrapin. Ahulnaja vaha 12,5 kh.

9 krasavika ŭ Viciebsku ŭ Kanavałava byli ŭziatyja adbitki palcaŭ, i heta, na dumku śledstva, prysiepšyła jaho dziejnaść. 10 krasavika jon pryjechaŭ z vybuchoŭkaj u Minsk, jaho sustreŭ na vakzale Kavaloŭ. Kvateru jany źniali na vulicy Karala.

Za dzień da terakta Kanavałaŭ naviedaŭ miesca budučaha terakta, a 11 krasavika 2011 hoda jon sieŭ u mietro na stancyi «Frunzienskaja», dajechaŭ da «Kupałaŭskaj», prajšoŭ pa tuneli i zakłaŭ vybuchoŭku na płatformie stancyi «Kastryčnickaja». U vyniku vybuchu zahinuli 11 čałaviek, 4 potym pamierli ŭ balnicy.

Nastupnym budzie začytana abvinavačvańnie Kavalovu.

* * *

12.35

Kletka abvinavačanych padzielenaja šklanoj pieraharodkaj na dźvie častki. Takim čynam, Kanavałaŭ i Kavaloŭ nie majuć mahčymaści kantaktavać miž saboj u časie pracesu.

12.30

Paciarpiełyja pa spravie ab terakcie zajavili sudu šerah chadajnictvaŭ, pieradaje BIEŁTA. U pryvatnaści, zajaŭlena ab vykliku ŭ sud žančyny, jakaja zdavała žyłuju płošču abvinavačanamu Kanavałavu pierad vybucham u mietro. Hetaje chadajnictva było zadavolena sudom.

Adzin z abvinavačanych chadajničaŭ ab hutarcy z advakatam sam-nasam. Abvinavačvańnie vystupiła suprać abviaščeńnia pierapynku dla takich kantaktaŭ. Staršynia suda nie zadavoliŭ chadajnictva i adznačyŭ, što da suda byŭ padpisany dakumient, jaki dazvalaje abvinavačanamu mieć kantakty z abaroncam u nieabmiežavanaj kolkaści.

12:20

Na fotach z zały suda Dźmitryj Kanavałaŭ pieravažna staić, apuściŭšy vočy dołu. U toj ža čas Uładzisłaŭ Kavaloŭ staić z vysoka ŭźniataj hałavoj.

12:00

U sudzie prysutničaje 121 paciarpieły ŭ teraktach i ich pradstaŭniki. Pryčym sabralisia nie tolki paciarpiełyja ŭ vybuchu ŭ mietro, ale tyja, kaho začapiła 3 lipienia 2008 hoda.

Jość u zale i blizkija tych, chto ŭ mietro zahinuŭ.

Z roznych pryčyn u sud nie źjaviŭsia 401 paciarpieły i ich pradstaŭniki. Pry hetym 234 čałavieki padali ŭ sud zajavy z prośbaj razhladać spravy ŭ ich adsutnaść, paviedamlaje Interfaks.

11:20

U zale zahłušyli internet i mabilnuju suviaź. Prysutnym zahadali vyklučyć mabilnyja telefony. Na prośbu adnaho z paciarpiełych Ciuciunova fota- i videazdymka ŭ časie pracesu zabaronieny. Jon rastłumačyŭ, što ličyć bluźnierstvam zdymać abvinavačanych, bo jany niavartyja taho, kab ich asoby byli pakazanyja ŭ elektronnych ŚMI.

Abvinavačvanyja Dźmitryj Kanavałaŭ i Uładzisłaŭ Kavaloŭ dastaŭlenyja ŭ zału suda i źmieščanyja ŭ mietaličnuju kletku.

10:09

Sudovy praces Dźmitryjem Kanavałavym i Uładzisłavam Kavalovym projdzie ŭ najbolšaj zale Doma pravasudździa. Dakładniej u aktavaj zale, jakija admysłova pierarabili na sudovaje pamiaškańnie.

Zała raźličanaja na niekalki sotniaŭ miescaŭ. Nie tak, jak było nad palitviaźniami, kali davali nievialikija pamiaškańni.

Ažyjataž vializarny. Dziasiatki žurnalistaŭ, paciarpiełyja. Usich prasili pryjści za paŭtary hadziny da pačatku pracesu.

Samich Kanavałava i Kavalova ŭ kletcy pakul niama. Pierad kamieraj staić šerah śpiecnazaŭcaŭ (siem čałaviek). Kletku praviarali kinołahi z sabakami.

***

Padtrymlivać abvinavačańnie na sudovym pracesie pa spravie ab terakcie ŭ minskim mietro i šerahu inšych złačynstvaŭ dvuch uradžencaŭ Viciebska buduć try dziaržaŭnyja abvinavaŭcy. Siarod troch dziaržabvinavaŭcaŭ — adzin z namieśnikaŭ hienieralnaha prakurora Alaksiej Stuk.

Staršynstvavać u sudzie budzie pieršy namieśnik staršyni Viarchoŭnaha suda Alaksandr Fiedarcoŭ.

* * *

Dźmitryju Kanavałavu pradjaŭlena abvinavačańnie va ŭčynieńni teraryzmu, jaki ŭ tym liku paciahnuŭ čałaviečyja achviary, pryčynieńnie cialesnych paškodžańniaŭ roznaj stupieni ciažkaści, inšyja ciažkija nastupstvy, u niezakonnych dziejańniach u dačynieńni da vybuchovych rečyvaŭ i vybuchovych pryład, złosnaha i asabliva złosnaha chulihanstva, naŭmysnaha źniščeńnia i paškodžańnia majomaści ahulnaniebiaśpiečnym sposabam.

Uładzisłavu Kavalovu pradjaŭlena abvinavačańnie ŭ saŭdziele ŭ formie dapamahańnia i ŭčynieńni teraryzmu, učynieńni złosnaha i asabliva złosnaha chulihanstva, naŭmysnym źniščeńni majomaści ahulnaniebiaśpiečnym sposabam, u niezakonnych dziejańniach u dačynieńni da vybuchovych rečyvaŭ, ukryvalnictvie asoby, jakaja ŭčyniła asabliva ciažkaje złačynstva, i niedaniasieńni ab učynienych i padrychtoŭcy asabliva ciažkich złačynstvaŭ.

Vybuch na stancyi «Kastryčnickaja» minskaha mietro adbyŭsia 11 krasavika. 15 čałaviek zahinuli, bolš za 160 atrymali traŭmy, u tym liku ciažkija.

Jak paviedamiŭ žurnalistam 1 žniŭnia namieśnik hienprakurora — načalnik śledčaha ŭpraŭleńnia Hienprakuratury Andrej Švied, Kavalovu inkryminujecca bolš za 15 epizodaŭ złačynnaj dziejnaści, Kanavałavu — 30. U pracesie rasśledavańnia kryminalnaj spravy, apierytyŭna-vyšukovych mierapryjemstvaŭ nie było vyjaŭlena ŭskosnych śviedčańniaŭ taho, što za śpinoj abvinavačvanych stajali jakija-niebudź sponsary abo zakazčyki. «Kanavałaŭ i Kavaloŭ dziejničali samastojna», — skazaŭ Švied.

• 0
• 0
• 0
• 0
• 0
• 0
• 0
• 0