Vyzvalić pamiaškańnie nieabchodna da 23 lipienia.
Adpaviedny piśmovy zahad Paŭłu Biełavusu 25 červienia ŭručyła kiraŭnictva pradpryjemstva «Haryzont», dzie «Art Siadziba» aranduje pamiaškańnie ad śniežnia 2011 hodu.
Jak paviedamiŭ «Svabodzie» Pavał Biełarus, arandadaŭcy patłumačyli svajo rašeńnie tym, što nibyta haspadary «Art Siadziby» parušajuć praviły pažarnaj biaśpieki i prapuskny režym, a naviedniki ŭstanovy šmat kurać. U sapraŭdnaści pryčyny admovy arendy zusim inšyja, ličyć Pavał Biełavus: Apošniaj kroplaj, vidać, stała praviadzieńnie sustrečy z nahody 10-hadovaha jubileju „Biblijateki Svabody“ — knižnaj seryi Radyjo Svaboda.
Arandadaŭcy zajaŭlajuć nam, što my nia majem prava pravodzić sustrečy i roznyja inšyja imprezy. Ale mienavita pra heta i havorycca ŭ damovie arendy, bo metaj adkryćcia našaj „Art Siadziby“ i była realizacyja samych roznych tvorčych moładzievych inicyjatyvaŭ. Dumaju, što nasamreč hetaje rašeńnie było pryniataje kimści i dzieści zvonku».
«Art Siadziba» zaŭsiody pazycyjanavała siabie jak biełaruskamoŭny moładzievy asiarodak. Za siem miesiacaŭ našaj dziejnaści ŭ «Art Siadzibie» adbyłosia bolš za sto tvorčych imprezaŭ — heta kinapakazy, litaraturnyja viečaryny, mastackija vystavy i moładzievyja dyskusii. U nas pabyvali tysiačy čałaviek, i dahetul my nie atrymlivali nijakich zaŭvahaŭ. My nie zasakrečvali svaju dziejnaść i adkryta paviedamlali i davali abviestki pry svaje imprezy ŭ sacyjalnych sietkach. Hetkim čynam u nas źbirałasia vialikaja kolkaść hramadzka aktyŭnaj moładzi. I sustrečy ź viadomymi palitykami, movaznaŭcami, historykami ci muzykami, jak, da prykładu, Vincukom Viačorkam, Piatrom Sadoŭskim, Iharam Kuźniacovym ci Lavonam Volskim, nie mahli być niezaŭvažanymi i z boku ŭładaŭ«.
Kiraŭnictva «Art Siadziby» maje namier źviarnucca da svaich naviednikaŭ i prychilnikaŭ praz sacyjalnyja sietki z prapanovaj dasyłać kiraŭnictvu «Haryzontu» prośby admianić svajo rašeńnie pra skasavańnie arendnaj damovy. Kožnamu z zajaŭnikaŭ prapanujecca samastojna abhruntavać svaju prośbu pra zachavańnie moładzievaj placoŭki ŭ zajmanych pamiaškańniach. Akramia taho, arhanizatary «Art Siadziby» buduć šukać novaje pamiaškańnie.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ44
Kamientary