Chto toj ciemnaskury chłopiec, jaki ŭziaŭ udzieł u śviatkavańni jubileju Kupały ŭ Maskvie?
Brazilski chłopiec vyvučyŭ biełaruskuju movu nie horš za samich biełarusaŭ, a taksama i teksty piesień niekatorych biełaruskich rok-hurtoŭ. Adnak razmaŭlaje pa-biełarusku čaściej va Ukrainie.
Patersan ź dziacinstva byŭ ulubiony ŭ SSSR, a kali padros, vyrašyŭ pryjechać u Rasieju. Ale byŭ trochi rasčaravany, bo sučasnaja Rasieja mała nahadvaje jamu Saviecki Sajuz, u jaki jon tak maryŭ patrapić.A paśla paznajomiŭsia ź biełaruskaj Volaj, jakaja žyła ŭ Maskvie, jana jamu i adkryła Biełaruś, jaje movu i rok-muzyku.
«Ja nie chacieła nikomu naviazvać biełaruskuju muzyku. Jana mnie padabajecca, ale heta ž nie značyć, što jana budzie padabacca astatnim», — kaža Vola.
Adnak
biełaruskaja muzyka Patersana zachapiła, i jany razam z Volaj pačali jeździć pa kancertach dy festach.Apošnim ź ich byŭ pahan-metał festyval «Kilkim Žaibu», na jakim vystupaŭ adzin z ulubionych biełaruskich hurtoŭ Patersana «Znich».
«Ja nikoli nie čuŭ Źniča ŭžyvuju, tamu my pajechali na fest. Mnie vielmi spadabałasia, było viesieła i cikava.Mnie padabajecca Znich i Litvintroll. Ja lublu dudu, pra jaje ŭ Brazylii nichto nia viedaje, i mnie vielmi padabajecca spałučeńnie dudy i heavy metal, hučyć vielmi harmanična», — zachaplajecca brazilec.
Taksama Patersanu padabajecca Testamentum Terrae, «Trojca» i «Stary Olsa». Kab pačuć muzyku apošniaha, jany z Volaj admysłova pryjaždžali ŭ Homiel na kancert.
«Mnie vielmi padabajecca muzyka «Staroha Olsy», bo ja cikaŭlusia biełaruskaj historyjaj i mnie padabajecca VKŁ», — raspaviadaje Patersan.
Nasupierak mierkavańniam niekatorych biełaruskich adradžencaŭ,
Patersan i Vola nie ličać, što SSSR — heta tolki zło, a VKŁ — dabro.
«Nie ŭsio było błaha ŭ SSSR. Byli, naprykład, vielmi dobryja filmy. U kožnaj histaryčnaj epochi jość niešta dobraje», — upeŭnieny Patersan.
Patersan razmaŭlaje mała taho što ź nievialikaj kolkaściu pamyłak, dyk jašče amal biez akcentu. Pryznajecca, što
movu jon asabliva i nie vučyŭ, bo isnuje vielmi mała padručnikaŭ pa biełaruskaj movie dla zamiežnikaŭ.
«Mnie ciažka jašče i tamu, što
ŭ Biełarusi ja mała razmaŭlaju pa-biełarusku, tut nichto nie razmaŭlaje pa-biełarusku, niama dzie praktykavać movu», — skardzicca brazilski chłopiec.
A voś kali jany z Volaj vandrujuć va Ukrainu, pahutaryć pa-biełarusku ŭdajecca našmat bolej. Patersan robić vyhlad, što nie razmaŭlaje pa-rasiejsku, a tolki pa-biełarusku — i surazmoŭcy pačynajuć pierachodzić na ŭkrainskuju. Ale ŭ Biełarusi takoje, na žal, nie spracoŭvaje.
«Ja kali ŭ Biełarusi navat i razmaŭlaju pa-rasiejsku, dziakuju ja zaŭsiody pa-biełarusku, a ludzi na mianie niejak kryva hladziać. Voś viedajecie, roźnica pamiž litoŭcami i biełarusami takaja:
u Litvie, kali surozmoŭca razmaŭlaje pa-rasiejsku, a ja jamu kažu "Dziakuj!" pa-litoŭsku, jon pačynaje ŭśmichacca, a ŭ Biełarusi, kali dziakuju pa-biełarusku, — na mianie kryva hladziać».
Patersan i Vola kamunikujuć pamiž saboj ahułam na čatyroch movach, jany choć i žyvuć u Maskvie, ale Biełaruś, jaje muzyku i movu nie zabyvajuć.
«Ja časta čuju ad rasiejcaŭ, što biełaruskaja i rasiejskaja mova — adnolkavyja, i mnie davodzicca im dakazvać, što heta nie tak».
* * *
Hladzicie taksama:
Biełarusy Maskvy ŭšanavali Kupału - fota
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary