Jon sustreniecca ź miascovym kłubam u trecim kvalifikacyjnym raŭndzie Lihi Jeŭropy.
U šviejcarskim Ńjonie adbyvałasia losavańnie nastupnaha raŭndu Lihi Jeŭropy. «Homielu» trapiŭsia lehiendarny «Livierpul». Losavańnie možna razhladać pa roznamu. Z hledzišča pośpiechu, naŭrad ci biełarusy adolejuć anhličan. A voś u płanie vidovišča paspračacca z takim kłubam budzie vielmi cikava.Nahadajem, što dla spatkańnia z «Livierpulem» «Homielu» jašče treba adužać makiedonskuju «Renovu». Pieršy matč na Bałkanach prynios našym pieramohu ź likam 2:0. Małavierahodna, što chłopcy Kubarava ŭpuściać takuju mahčymaść.
Kali «Homiel» projdzie «Renovu», to matč z «Livierpulem» projdzie 2 žniŭnia.
«Livierpul» —
U składzie «miersisajdcaŭ» vystupajuć takija viadomyja futbalisty, jak Styvien Džerard, Endzi Kerał, Łuis Suares, Chase Rejna, Krejh Bełami, Džejmi Karahier. «Livierpul» maje šmat fanataŭ u roznych krainach, u tym liku ŭ Biełarusi.Mahčymym supiernikam navapołackaha «Naftana» moža stać kiprskaja «Amonija». Praŭda, dla hetaha biełarusam trba ŭ haściach pieramahać sierbskuju «Crvienu Źviezdu». Pieršaja hulnia skončyłasia pieramohaj bałkancaŭ (4:3).
Salihorski «Šachcior», kali adužaje ŭ haściach aŭstryjski «Ryd» (1:1 pieršaja hulnia) zhulaje ź pieramožcam pary «Lehija» (Polšča) — «Mietałurhs» (Łatvija). Pieršy matč hetych kamand byŭ zhulany ŭničyju — 2:2.
Matčy treciaha raŭndu adbuducca 2 i 9 žniŭnia.
Kamientary