Vydaviectva adpraviła jaje ŭ adstaŭku.
Hałoŭny redaktar papularnaha rasijskaha časopisa «Vokruh śvieta» Maša Hiesen pakidaje svaju pasadu paśla admovy aśviatlać pajezdku Uładzimira Pucina.
U
Sama žurnalistka ŭ intervju časopisu «Bolšoj horod» skazała, što admoviłasia adpravić karespandenta ŭ ekśpiedycyju pa vyratavańni žuraŭloŭ — sterchaŭ. U chodzie ekśpiedycyi Pucin pavinien byŭ vypuskać stercha na volu.
«Ja admoviłasia, paličyŭšy heta ŭmiašańniem ŭ pracu redakcyi i parušeńniem zakona ab ŚMI <…> My źbiralisia pisać pra sterchaŭ.
Ale ekśpiedycyi z udziełam Pucina majuć svaju śpiecyfiku — dastatkova ŭspomnić vyratavańnie tyhraŭ abo pošuki amfar. Moža stacca, što drevy pryviazanyja da piańkoŭ.I prafiesijny abaviazak abaviaža karespandenta pra heta pisać — hetyja sumnievy ja vykazała ŭ telefonnaj razmovie z vydaŭcom».
***
Maša Hiesen pracavała ŭ «Vokruh śvieta» sa studzienia 2012 hoda, źmianiŭšy na pasadzie hałoŭnaha redaktara Siarhieja Parchomienku. U sakaviku 2012 hoda ŭ ZŠA ŭ prodaž vyjšła kniha žurnalistki pra Pucina pad nazvaj The Man Without a Face: The Unlikely Rise of Vladimir Putin («Čałaviek biez tvaru: nievierahodnaje ŭzychodžańnie Uładzimira Pucina»).
Kamientary