Miljarder daje 65 młn dalaraŭ mužčynu, jaki zdoleje zavajavać serca jahonaj dački-leśbijanki
Miljarder z Hankonha Siesił Čao prapanavaŭ 65 młn dalaraŭ mužčynu, jaki zdoleje zavajavać serca jaho dački-leśbijanki.
Razbahacieły na handli nieruchomaściu i sudnachodstvie mahnat publična paabiacaŭ uznaharodu paśla paviedamleńniaŭ, što jaho dačka vyjšła zamuž za svaju daŭniuju siabroŭku.Sesił Čao, jaki sam nikoli nie byŭ u šlubie, zajaviŭ karespandentu
Adnapołyja šluby nie pryznajucca ŭ Hankonhu, choć homaseksualizm byŭ dekryminazilizavany tam jašče ŭ 1991 h.
Hihi Čao, jakaja źjaŭlajecca pradprymalnicaj i maje dypłom Mančesterskaha univiersiteta, zaklučyła hramadzianski šlub sa svajoj partniorkaj Šon Iu na cyrymonii ŭ Francyi ŭ pačatku hoda. Stasunki dziaŭčat pačalisia 7 hadoŭ tamu.
Adnak baćka Hihi Čao admoviŭsia pryznać hety šlub.
Jon zajaviŭ, što jaho prapanova ŭžo vyklikała značnuju cikavaść siarod patencyjnych žanichoŭ.
«Heta sposab pryciahnuć kahości, chto vałodaje talentam, ale nie maje kapitału dla pačatku svajoj spravy, — zajaviŭ Čao. —
Mnie ŭsio roŭna, ci budzie heta bahaty ci biedny čałaviek.Hałoŭnaje, kab jon byŭ ščodrym i dobrym. Hihi — vielmi dobraja žančyna, talenavitaja i pryhožaja. Jana pryviazanaja da svaich baćkoŭ i zajmajecca dabračynnaściu».
Niahledziačy na takija rašučyja dziejańni, Čao śćviardžaje, što nie budzie prymušać dačku vychodzić zamuž suprać voli.
Sama Hihi Čao kaža, što ličyć płan baćki zajmalnym i nie žadaje tryvožycca na hety kont da taho času, pakul nie źjavicca pieramožca svojeasablivaha konkursu.
Kamientary