U biełarusaŭ najbolšaj papularnaściu karystajucca smartfony za 200-300 dalaraŭ
A kožny piaty biełarus štohod abnaŭlaje mabilny telefon.
Ab hetym paviedamiŭ dyrektar ZP
Pavodle jaho acenak, biełaruski rynak mabilnych telefonaŭ składaje 1,6–2 młn. mabilnych pryładaŭ.Za apošnija dva hady ahulnaja statystyka prodažaŭ mabilnych telefonaŭ praktyčna nie źmianiłasia. Adnak nazirajecca pieraraźmierkavańnie popytu sa zvyčajnych telefonaŭ na smartfony.
U 2011 h. 60% usich prodažaŭ davodziłasia na zvyčajnyja mabilnyja telefony, a ciapier ich dola źniziłasia da 40% dziakujučy papularnaści smartfonaŭ.
U kolkasnym vyražeńni dola smartfonaŭ vyhladaje bolš ścipła. Za try kvartały 2012 hoda ŭ Biełarusi pradadziena 1,33 młn. mabilnych telefonaŭ, uklučajučy 378 tys. smartfonaŭ. Nievialikaje ažyŭleńnie na rynku čakajuć u čaćviortym kvartale: miarkujecca, što na praciahu apošnich troch miesiacaŭ budzie pradadziena bolš čym treć usiaho hadavoha abjomu.
Najbolš papularnym siarod biełarusaŭ siehmientam źjaŭlajucca smartfony koštam $ 200–300. Druhoje miesca pa papularnaści dzielać cenavyja siehmienty smartfonaŭ u dyjapazonach $100–200, $ 500 i vyšej.U cełym kala 70% usich pakupak prypadaje na smartfony koštam ad $100 da $400.
Siaredni termin vykarystańnia mabilnaha telefona ŭ Biełarusi vyras z 3 da 4 hadoŭ.U budučyni pieraraźmierkavańnie rynku ad zvyčajnych da «razumnych» telefonaŭ budzie praciahvacca, miarkuje Alaksandr Truś.
Adnak abjomy rynku ŭ kolkasnym i vartasnym vyražeńniach prykmietna raści nie buduć.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi13
Kamientary