Łukašenka nazvaŭ pryčynu adstaŭki Zajcava: niezdarovaja maralna-psichałahičnaja abstanoŭka ŭ KDB

Asnoŭnaj pryčynaj adstaŭki Vadzima Zajcava z pasady staršyni KDB stała niezdarovaja maralna-psichałahičnaja abstanoŭka, jakaja skłałasia ŭ asobnych padraździaleńniach Kamiteta dziaržbiaśpieki.

Ab hetym Alaksandr Łukašenka zajaviŭ siońnia, pradstaŭlajučy novaha staršyniu Valeryja Vakulčyka kirujučamu składu orhanaŭ dziaržaŭnaj biaśpieki.

Łukašenka adznačyŭ, što jon źjaŭlajecca vychadcam z radoŭ supracoŭnikaŭ orhanaŭ dziaržbiaśpieki, stajaŭ la vytokaŭ farmiravańnia i stanaŭleńnia Apieratyŭna-analityčnaha centra pry Prezidencie Respubliki Biełaruś. Pry aktyŭnym udziele Valeryja Vakulčyka stvaraŭsia i pradaŭžaje stvaracca novy dziaržaŭny orhan — Śledčy kamitet. «Siońnia abiedźvie struktury pracujuć efiektyŭna. I zasłuha ŭ hetym, viadoma, i Valeryja Paŭłaviča. Jaho arhanizatarskija zdolnaści i jakaści kiraŭnika-dziaržaŭnika vyjavilisia ŭ kankretnych spravach. Hałoŭnymi pryncypami jaho raboty źjaŭlajucca abjektyŭnaść, kampietentnaść i addanaść našaj dziaržavie. Viedaju, što jon nie cierpić biaździejnaści i słovabłudstva. Mienavita heta abumoviła rašeńnie ab naznačeńni jaho kiraŭnikom asnoŭnaj śpiecsłužby krainy», — skazaŭ Alaksandr Łukašenka.

«Vielmi chacieŭ by spadziavacca, što hety novy čałaviek razam z vami zrobić tuju śpiecsłužbu, jakaja pavinna adpaviadać sučasnym patrabavańniam», — padkreśliŭ Łukašenka.

Na jaho dumku, u KDB, jak i ŭ lubym inšym kalektyvie, jość ludzi, jakija «chacieli b bolš volna siabie adčuvać, nie chadzić na rabotu, zabyvajučy ab tym, što na plačach pahony». «Voś tym treba šukać inšuju rabotu. I vy nie bojciesia, što ad vas kudyści pojduć ludzi. Niachaj iduć. My hatovy i niamała robim siońnia, kab stvaryć dla čekistaŭ samyja spryjalnyja ŭmovy raboty», — skazaŭ Alaksandr Łukašenka.

«Tamu što ja jak prezident baču, što adbyvajecca vakoł našaj krainy i ŭnutry i jakich mnie kaštuje namahańniaŭ, kab strymać krainu, kab jaje na kavałki nie parezali i nie raściahnuli, — pradoŭžyŭ Alaksandr Łukašenka.

Niachaj ich budzie nie 12 tys., nie 10 tys. i navat nie 6 tys. čałaviek. Niachaj ich zastaniecca 3 tys., ale heta zastanucca samyja addanyja dziaržavie ludzi. Z takimi Vakulčyk budzie pracavać. Usie astatnija kudy chočuć niachaj iduć».

Łukašenka padkreśliŭ, što asnoŭnym kryteryjem acenki kiraŭnika źjaŭlajecca zdolnaść źjadnać kalektyŭ i stvaryć abstanoŭku rezultatyŭna-napružanaj, ale tvorčaj raboty.

• 0
• 0
• 0
• 0
• 0
• 0
• 0
• 0