Hramadstva4646

Va Ukrainie zahinuła 24-hadovaja biełaruskaja dobraachvotnica Maryja Zajcava

Mnohija pamiatajuć Maryju pa fota, zroblenym 9 žniŭnia ŭ Minsku kala Steły. Tady dziaŭčyna była paranienaja šumavoj hranataj. Maryi zrabili niekalki apieracyj u Biełarusi, a paśla vyvieźli jaje na lačeńnie ŭ Čechiju.

Maryja Zajcava 9 žniŭnia 2020 hoda kala Steły ŭ Minsku. Fota: «Radyjo Svaboda»

Paśla pačatku vajny dziaŭčyna dałučyłasia da abaroncaŭ Ukrainy. A ciapier siabry Maryi paćvierdzili «Našaj Nivie» jaje trahičnuju hibiel.

Dziaŭčyna zahinuła ŭ bajach pad Bachmutam, dzie vajavała ŭ składzie 2-ha Internacyjanalnaha lehijonu. 

Na hety momant cieła zahinułaj znachodzicca ŭ zonie abstrełu.

Tolki ŭčora joj spoŭniłasia 24 hady. 

Fota: «Štodzień»

Sama Maryja pachodziła z Homiela, jana skončyła adnu z najlepšych navučalnych ustanoŭ horada — himnaziju № 46 imia Błeza Paskala, dzie pahłyblena vyvučajuć francuzskuju movu.

U žniŭni 2020 hoda dziaŭčyna razam ź siabram pryjechała ŭ Minsk śpiecyjalna dla ŭdziełu ŭ pratestach suprać falsifikacyi prezidenckich vybaraŭ. Tam jana była mocna traŭmavanaja.

«Nas zakidali śvietłašumavymi hranatami, ja adrazu zhubiła prytomnaść, mianie paraniła ŭ hałavu, ja była kantužanaja.

Maje siabry adciahnuli mianie ad darohi, jany taksama byli paranienyja, pasiečanyja askiepkami. Niejkim čynam u mianie jašče ŭ ściahnie apynulisia try humovyja kuli. Napeŭna, heta adbyłosia ŭžo tady, kali ja zhubiła prytomnaść. Chiba što ja vyhladała vielmi niebiaśpiečnaj na ziamli.

Pračnułasia ja ŭ reanimacyi», — raskazvała jana sama pra toje, što tady adbyłosia, u adnym ź intervju.

Maryja Zajcava ŭ balnicy

Paśla taho Maryja paŭtara miesiaca lažała ŭ balnicy ŭ Biełarusi, a paśla pajechała na lačeńnie ŭ Čechiju. Joj zrabili niekalki apieracyj, ale prablemy ŭsio adno zastavalisia. Paśla pieražytaha ŭ jaje ŭ mozhu, jak jana sama kazała, zastavałasia hiematoma, a da taho ž jana ahłuchła na adno vucha. 

Havoračy pra toje, jak na jaje paŭpłyvaŭ 2020 hoda, Maryja Zajcava kazała: 

«Zrazumieła, što mianie heta źmianiła vielmi mocna. Mianie da hetaha času trochi zžyraje PTSR (posttraŭmatyčny razład). Ja nie mahu svajo žyćcio bolš nie źviazvać ź Biełaruśsiu.

Kali nie ź Biełaruśsiu, to ja nie viedaju, z čym jašče. Bo ja addała zdaroŭje za heta. I ja praŭda vieryła ŭ našu ideju, i ja vielmi chaču, kab u majoj krainy ŭsio atrymałasia. Ja chaču heta pabačyć i viarnucca tudy».

Kamientary46

  • Y
    17.01.2025
    Słava hieroju!
  • Nažal
    17.01.2025
    Šmat hodnych palahło :(
  • Słava hierojam!
    17.01.2025
    Hieraičnaja mužnaja Biełaruska. Viečnaja pamiać!

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

«Zahruzka ŭpała, zakazaŭ mienš». Rabotnikaŭ pradpryjemstva ŭ Rečycy stali adpraŭlać u adpačynki biez apłaty4

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

Zamiest vajny słany ŭ novaj knizie Sašy Filipienki. I Maskva11

CACHAŁ zahadaŭ žycharam adnaho z rajonaŭ Tehierana evakujavacca. Zrujnujuć budynak dziaržaŭnaha telebačańnia3

ZŠA pierakidajuć na Blizki Uschod druhi avijanosiec i dziasiatki samalotaŭ8

«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje3

Stała viadoma jašče pra adnaho biełarusa, jaki vajavaŭ na baku Rasii i trapiŭ u pałon1

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić