«Ja abaviazkova viarnusia». Hamialčanka, u jakuju na akcyi pratestu trapiła śvietłašumavaja hranata, źjechała ź Biełarusi
Bolš za miesiac praviała ŭ staličnaj balnicy 19-hadovaja hamialčanka Maryja Zajcava. Jak stała viadoma «Mocnym Navinam», dziaŭčyna vypisałasia z balnicy i źjechała z krainy.
Nahadajem, Maša pryjechała ŭ Minsk 9 žniŭnia, u dzień vybaraŭ prezidenta, i ŭviečary pryniała ŭdzieł u mirnym prateście. Usio zdaryłasia na praśpiekcie Pieramožcaŭ u rajonie steły «Minsk — horad-hieroj», kali siłaviki ŭžyli vadamiot i abstralali ludziej, jakija nie byli ahresiŭnymi.
Maryja akazałasia ŭ liku pieršych paciarpiełych: kala jaje vybuchnuła śvietłašumavaja hranata, taksama jana atrymała try kulavyja ranieńni. U balnicu dziaŭčynu pryviezła «chutkaja» ŭ biesprytomnym stanie. U reanimacyi Maryja praviała niekalki dzion, zatym jaje pieraviali ŭ niejrachirurhičnaje adździaleńnie.
Akramia ahulnaha lačeńnia hamialčanka pieraniesła dźvie apieracyi pa vydaleńni źmiarćviełych tkanak vakoł ran, jakija zastalisia paśla humavych kul. Bolš za ŭsio dziaŭčynu turbavaŭ słych: jana ahłuchła na pravaje vucha. Hetaja prablema i stała padstavaj dla praciahu lačeńnia za miažoj.
Ciapier Maryja Zajcava znachodzicca ŭ Čechii. U hutarcy z karespandentam «Mocnych Navin» hamialčanka paviedamiła, što rychtujecca da apieracyi pa adnaŭleńni słychu. U cełym jana adčuvaje siabie narmalna, voś tolki «rana na ściahnie ad humavaj kuli jašče nie zaciahnułasia».
Zastavacca za miažoj dziaŭčyna nie źbirajecca. «Paśla vyzdaraŭleńnia ja abaviazkova viarnusia ŭ Biełaruś», — skazała jana. Maryja nie škaduje ab zdareńni i spadziajecca, što heta było nie darma.
Nahadajem, Čechija adnoj ź pieršych krain ES prapanavała biaspłatnuju miedycynskuju dapamohu i reabilitacyju biełarusam, jakija paciarpieli padčas i paśla akcyjaŭ 9 žniŭnia. Na hetyja mety ŭrad vydzieliŭ bolš za paŭmiljona dalaraŭ.
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Kamientary