«Цяпер магу сказаць простым тэкстам: дзяржава знішчае беларускую мову»
Прысуд мастаку Гэніку Лойку за акцыю ў Дзень роднай мовы пакінулі без зменаў.
Сёння ў Мінскім гарадскім судзе беларускі скульптар Гэнік Лойка абскардзіў свой пяцідзённы арышт, да якога быў прысуджаны за акцыю з нагоды Міжнароднага дня роднай мовы. Суддзя Аляксей Бычко пакінуў прысуд без зменаў.
«Я не дабіўся асноўнага — не дабіўся ад дзяржавы беларускай мовы, — кажа Лойка. — Суддзя вёў працэспа-руску , нягледзячы на ўсе мае хадайніцтвы. Калі я спытаў чаму, ён сказаў, што ў судзе пытанні не задаюць. Таму я цяпер магу сказаць простым тэкстам: дзяржава знішчае беларускую мову».
Гэнік Лойка таксама паведаміў «НН» што не збіраецца здавацца і будзе абскарджваць рашэнне ў вышэйшых інстанцыях.
«У нас ёсць усе неабходныя дакументы, будзем падаваць скаргу на суддзю Людмілу Лапо», —паведаміў Лойка.
Нагадаем, што 21 лютага Гэнік Лойка правёў акцыю ля беларускамоўнай гімназіі № 4 г. Мінска. Спадар Лойка лічыць што гімназію, у якой навучаліся яго дзеці, нельга назваць беларускамоўнай, бо з яе статуту выкраслены адпаведны запіс. Таму ўранку Лойка прыйшоў да будныка гімназіі з транспарантам «Віншуем з Міжнародным днём роднай мовы. Гімназія № 4 была апошняй беларускамоўнай школай…» За пікетам назіралі асобы ў цывільным, а пасля сканчэння акцыі Лойку арыштавалі і абвінавацілі ва ўдзеле ў несанкцыянаваным мерапрыемстве (арт.23.34 КоАП РБ) і пакаралі арыштам на 5 сутак.
Суддзя Лапо адхіліла просьбу падсуднага Лойкі, каб суд вёўся на беларускай мове, не дазволіла перакладу на беларускую мову, забараніла адвакатцы апытаць сведку«Такой нанавісці я яшчэ не бачыла!» — адзначае педагог Тамара Мацкевіч.па-беларуску і нават унесла заўвагу адвакатцы ў пратакол.
Каментары