Прэс-канферэнцыя з удзелам аўтара і вярхоўкі афіцыйнага Саюза пісьменнікаў прайшла сёння ў Мінску.
«Сёння пісьменнік мусіць цікавіцца палітычнай, эканамічнай, сацыяльнай сферай жыцця, — задаваў тон сустрэчы пісьменнік экс-сенатар Мікалай Чаргінец. —
Расіі, напрыклад, вельмі патрэбныя нашыя трактары, вельмі патрэбныя МАЗы і БелАЗЫ. Сучасны пісьменнік мусіць ведаць пра гэта, таму цяпер пісаць варта не толькі пра каханне, але і адказваць на пытанне, як нам жыць у рамках дзвюх краін».
Старшыня пралукашэнкаўскага Саюза пісьменнікаў Беларусі Мікалай Чаргінец і сакратар Георгій Марчук расказалі пра ролю пісьменніка ў станаўленні саюзнай дзяржавы падчас спецыяльнай
Шмат сілаў у беларускіх і расійскіх пісьменнікаў, што нядаўна аб’ядналіся ў саюз пісьменнікаў саюзнай дзяржавы, адабраў працэс рэгістрацыі аб’яднання.«Таму пра значныя вынікі дзейнасці новага саюза пакуль казаць не выпадае», — адзначае экс-сенатар.
Затое, падчас сумеснага пленуму ў Брэсце, расійскія калегі змаглі на свае вочы пабачыць Беларусь. «Яны былі вельмі ўражаныя і прапанавалі зрабіць Брэст культурнай сталіцай саюзнай дзяржавы, — кажа Чаргінец. —
Іх уразіла Брэстская крэпасць, мы ім паказалі аграгарадкі. Канечне, тыя, што лепей глядзяцца — не калгас «30 год без ураджаю».Мы выпускаем супольны часопіс «Белая вежа», аднак пакуль няма на яго грошай — каб ён выходзіў накладам болей за тысячу асобнікаў! Урэшце, мы — адзінае культурніцкае аб’яднанне саюзнай дзяржавы».
Пытанне фінансавання саюзных праграм натхніла Георгія Марчука на разважанні пра любоў да роднага краю.«Вось мы тут шмат гаворым пра патрыятызм, — працягнуў ён. — У Расіі тыя самыя праблемы: скарачаюць школьную праграму па расейскай літаратуры, у нас скарачаюць па беларускай. І невядома, як з 38 пісьменнікаў абраць тых, каго варта праходзіць у школе».
Па словах Марчука пісаць пра патрыятызм увогуле складана:
«У Расіі як напішаш слова «рускасць» — адразу ліберальная прэса назаве «фашыстам», «карычневым» і «нягоднікам».Да аналогіі, што бывае ў Беларусі за беларускасць, справа чамусьці не дайшла.
Таццяна Сівец адзначыла, што ў Беларусі ёсць пісьменнікі, якія маюць сваю аўдыторыю за мяжой, у прыватнасці, у Расіі. Напрыклад, Андрэй Федарэнка і Алена Брава. Апошняя нават увайшла ў
Сярод іншых няпростых літаратурных клопатаў турбуе Мікалая Чаргінца і адсутнасць добрых новых песняў.Саюзу пісьменнікаў нават давялося запачаткаваць спецыяльны конкурс для іх стваральнікаў, кажа ён. «Але ёсць у нас пісьменнік Іван Юркін, дзіцячы аўтар, які зрабіў вялікі прарыў у гэтым жанры!»
Генерал Іван Юркін служыць у КДБ з 1976 года. І вось нядаўна, як прызнаўся журналістам, адкрыў у сабе талент:
«Я і не ведаў да мінулага года, што магу пісаць песні. Але раптоўна напісаў тэкст „Посажу возле дома березку“.Песню на гэты тэкст выканаў Якаў Навуменка на 8 сакавіка, і жанчынам настолькі спадабалася, што ледзь не разарвалі мяне на сувеніры.
З таго часу я напісаў каля дваццаці тэкстаў, дванаццаць з іх узяў Анатоль Ярмоленка.У мяне некалькі тэмаў — каханне да жанчын, да роднага краю, пра свята перамогі.
Найвялікшы поспех — песня на мае словы «Прыязджайце да нас у Беларусь» стала летась песняй года».
Так незаўважна праляцеў час
Пры канцы Мікалай Чаргінец прапанаваў задаваць яму палітычныя пытанні, аднак трансляцыю якраз на гэтым спынілі.
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі47
Каментары