Суперсучасную сістэму аплаты дарог BelToll вартуюць людзі ў палатках
Каля парталаў BelToll — сістэмы аплаты за карыстання аўтадарогамі — на трасе М1 у палатках днююць і начуюць людзі. Яны і ядуць, і спяць у сваіх шалашах. Каб аберагчыся ад дажджу, маленькі спальны намёт стаіць унутры вялікага, дзённага.Гэта не турысты. Гэта ахоўнікі, што пільнуюць электрагенератары, якія забяспечваюць энергіяй пункты кантролю. Справа ў тым, што ў кампаніі «Капш Тэлематык Сэрвісіз», аператара сістэмы BelToll, узніклі бюракратычныя праблемы з падвядзеннем электрычнасці да некаторых парталаў праз ворныя землі, якія ў Беларусі амаль недатыкальныя. Таму, каб пачаць тэставую эксплуатацыю сістэмы, ля кожнага партала ўсталявалі па дызельным электрагенератары.
Аднак неўзабаве 10 генератараў скралі. Таму, каб прадухіліць наступныя крадзяжы, ля кожнага партала пасадзілі па вартаўніку, якія жывуць і спяць у турыстычных намётах.
Кожны дзень ім падвозяць правізію і паліва для генератара. Вартай займаюцца мужчыны дужага целаскладу.
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара37
Каментары