Андрэй Пачобут выдаў кніжку пра Лукашэнку
Кніга гродзенскага журналіста Андрэя Пачобута «Сыстэма Беларусь» выйшла у выдавецтве Editio на польскай мове.
Прэзентацыя кнігі ў Варшаве прызначаная на 23 кастрычніка, але ўжо з'явілася першая рэцэнзія ў штодзённай газеце «Rzeczpospolita» пад загалоўкам «Тэатр Лукашэнкі».
Аўтар рэцэнзіі піша, што кніга нечым нагадвае папулярны фільм «Мільянер з трушчоб»: «У 1994 годзе звычайны вясковы настаўнік Аляксандр Лукашэнка замест мільёна выйграў усю краіну ў цэнтры Еўропы. З тых часоў сьвет стаў асацыяваць Беларусь з імём аднаго чалавека, які гуляе галоўную ролю ў самастойна створаным тэатры».
Андрэй Пачобут — журналіст польскай «Газэты Выборчай». У 2011-м годзе суд прызнаў яго вінаватым у «паклёпе на прэзідэнта». Журналіста пакаралі трыма гадамі пазбаўлення волі з адтэрміноўкай на два гады.
Яшчэ адну крымінальную справу, пра паўторны паклёпе на кіраўніка дзяржавы, завялі на Пачобута ўлетку 2012 года. У сакавіку 2013 года справу спынілі ў сувязі з адсутнасцю ў дзеяннях журналіста складу злачынства.
Каментары