Прэзідэнт Венесуэлы Нікалас Мадура распарадзіўся стварыць ва ўрадзе віцэ-міністэрства па пытаннях вышэйшага народнага шчасця, паведамляюць венесуэльскія СМІ.
«Я вырашыў стварыць гэтае ведамства ў памяць аб нашым камандантэ Чавэсе і нашым Сімоне Балівары», — заявіў Мадура.
Новы орган будзе адказваць за забеспячэнне ўсім неабходным старых жыхароў краіны, дзяцей, бяздомных і людзей з абмежаванымі магчымасцямі.
Віцэ-міністрам па пытаннях вышэйшага народнага шчасця прызначаны былы дэпутат Нацыянальнай асамблеі Рафаэль Рыас.
Мадура таксама абвясціў, што 8 снежня будзе абвешчана Днём любові і вернасці лідару баліварыянскай рэвалюцыі Уга Чавэсу.
Літва зноў зачыніла мяжу з Беларуссю — ізноў шары з кантрабандай9
Каментары