Сяргей Сідорскі і Эдмінас Багдонас абмеркавалі пытаньні энэргапаставак. «Мы ведаем, што вы працуеце з балтыйскімі краінамі па будаўніцтве АЭС», - сказаў С. Сідорскі, зьвяртаючыся да Э. Багдонаса. Ён падкрэсьліў, што Беларусь зацікаўлена ў супрацоўніцтве зь Літвой у такіх праектах.
Беларусь зацікаўлена ў супрацоўніцтве з Літвой у энергетычнай галіне. Аб гэтым заявіў сёння прэм'ер-міністр Беларусі Сяргей Сідорскі на сустрэчы з Надзвычайным і Паўнамоцным Паслом Літвы ў Беларусі Эдмінасам Багдонасам.
Паводле слоў Сяргея Сідорскага, Беларусь і Літва як транзітныя краіны падобныя ў падыходах да вырашэння пытанняў энергетычнай бяспекі.
Прэм'ер-міністр праінфармаваў Эдмінаса Багдонаса аб тым, што ў Беларусі ажыццяўляюцца маштабныя праграмы, якія дадуць магчымасць да 2010 года скараціць энергаёмістасць ВУП на 30 працэнтаў, а да 2015 года - на 50 працэнтаў. "Гэта значныя планы, але мы прымем усе меры для дыверсіфікацыі паставак энергарэсурсаў, каб быць незалежнымі ад знешніх крыніц", - сказаў ён. У прыватнасці, у Беларусі больш актыўна будуць выкарыстоўвацца мясцовыя віды паліва.
"Думаю, і для ЕС, і для Літвы гэтыя пытанні гэтакія ж важныя", - сказаў прэм'ер-міністр і адзначыў, што Беларусь гатова аказаць адпаведную падтрымку ўраду Літвы ў рэалізацыі аналагічных праграм.
"Мы ведаем, што вы працуеце з суседнімі балтыйскімі краінамі па будаўніцтву АЭС", — сказаў Сяргей Сідорскі, звяртаючыся да Эдмінаса Багдонаса. Ён падкрэсліў, што Беларусь уважліва адсочвае гэтыя пытанні і зацікаўлена ў супрацоўніцтве з Літвой па такіх праектах.
Паводле слоў Сяргея Сідорскага, Беларусі гэты праект цікавы ў сувязі з тым, што краіна ў бліжэйшы час збіраецца будаваць сваю АЭС. Адзначыўшы, што "магчымасць работы з літоўскімі калегамі з улікам іх вопыту заслугоўвае ўвагі", прэм'ер-міністр выказаў надзею, што бакі змогуць знайсці падыходы, якія будуць эканамічна ўзаемавыгадныя Беларусі і Літве.
"З ранейшым урадам Літвы мы дамовіліся аб стварэнні беларуска-літоўскай рабочай групы з энергетыкаў, эколагаў. Яны пачалі ўжо абмяркоўваць праблемы. Былі першыя прапановы па вырашэнню пытанняў, звязаных з будаўніцтвам аб'ектаў захоўвання адходаў Ігналінскай АЭС", - дадаў Сяргей Сідорскі.
"Я звярнуўся да прэм'ер-міністра Літвы па даручэнню прэзідэнта Беларусі з тым, каб мы разам абмеркавалі гэтыя пытанні. Нам здаецца, мы знайшлі прадукцыйны падыход у іх вырашэнні. Мы разлічваем, што гэта дасць магчымасць максімальна знізіць напружанасць у прыгранічных населеных пунктах і застацца добрымі суседзямі ў далейшым", - адзначыў Сяргей Сідорскі.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары