Зміцер Дашкевіч абавязаны выплаціць штраф у 10 базавых велічыняў (1 млн. 300 тыс. рублёў) за парушэнне парадку прэвентыўнага нагляду.
Такое рашэнне прыняў 30 студзеня суддзя суда Першамайскага раёна Мінска Юрый Гарбатоўскі. Гэта максімальнае пакаранне, прадугледжанае п. 1 арт. 24.12 КоАП.
Дашкевіч у суд не з'явіўся, растлумачыўшы гэта занятасцю на працы. Апрача таго, на думку былога палітзняволенага, у судах працуюць людзі, «якія неаднойчы фабрыкавалі справы» і якім ён не лічыць патрэбным даказваць сваю невінаватасць.
У якасці сведкі ў судзе быў дапытаны супрацоўнік Першамайскага РАУС, які складаў пратакол аб парушэнні.
Ён паведаміў, што Дашкевіч не з'явіўся ў крымінальна-папраўчую інспекцыю ў належны час і не папярэдзіў пра гэта загадзя. Наступным днём, паводле слоў міліцыянера, Дашкевіч растлумачыў, што забыў з'явіцца, але ўважлівай прычыны не назваў. Гэта было першае парушэнне палітыкам правілаў прэвентыўнага нагляду.
Раней у інтэрв'ю журналістам Дашкевіч не адмаўляў, што забыў прыйсці ў інспекцыю 19 снежня. Дашкевіч з'явіўся ў міліцыю наступным днём, адразу пасля тэлефанавання з РУУС, дзе ў яго дачыненні склалі пратакол аб парушэнні парадку прэвентыўнага нагляду. Паводле слоў Змітра, у такіх выпадках пратаколы, як правіла, не складаюць. Аднак інспектар сказаў Дашкевічу, што скласці гэты пратакол загадала начальства.
-
Сёстрам Груздзевым не дазволілі выступіць на галоўным форуме ў Дзень адзінства, а падпісчыкі западозрылі іх у здрадзе
-
Ізраіль унёс у чорны спіс сотні крыптакашалькоў, меркавана, звязаных з іранскімі спецслужбамі. Заблакаваныя $1,5 мільёна
-
Саша Філіпенка: Статкевіч — глыба, але ў Беларусі ўжо дастаткова Мандэлаў на квадратны метр
Каментары