Работу некаторых транспартных маршрутаў у Мінску на час правядзення ЧС прадоўжаць да 3.00
Да 3.00 прадоўжаць работу некаторых маршрутаў грамадскага транспарту ў Мінску на час правядзення ЧС, паведамілі ў дзяржаўнай установе «Сталічны транспарт і сувязь».
З 12 па 25 мая да 3 гадзін ночы прадаўжаецца работа аўтобусных маршрутаў нумар 1, 40, 73, 74С, 100, 912С, 919С, тралейбусных маршрутаў нумар 3, 6, 13, 20, 37, 52, 53, 926 і трамвайных нумар 1, 3. Да 3 гадзін ночы 16-18 мая і 22-25 мая будзе працаваць метрапалітэн.
Таксама ўносяцца змяненні ў работу маршрутаў, якія абслугоўваюць чэмпіянат свету па хакеі. Так, з 13 мая змяняецца траса аўтобуснага маршруту нумар 914С з рухам ад ДС «Вяснянка» па вул.Нарачанскай, пр.Пераможцаў, вул.Няміга, вул.К.Цэткін, вул.Бабруйскай, вул.Свярдлова, вул.Аранскай, пр.Партызанскі, вул.Кабушкіна, вул.Ташкенцкай да ДС «Чыжоўка» ў абодвух напрамках з выкананнем прыпыначных пунктаў «Нарачанская», «Універсітэт фізкультуры», «Камсамольскае возера», «Гасцініца Юбілейная», «АВ Цэнтральны», «Ст.м. Партызанская», «Ст.м. Аўтазаводская», «Чыжоўка-Арэна», «Ташкенцкая», «ДС Чыжоўка» ў абодвух напрамках; «Мінск-Арэна», «Замчышча», «Ст.м. Няміга», «Вакзал» у напрамку ДС «Чыжоўка»; «Палац спорту», «Ленінградская» ў напрамку ДС «Вяснянка».
З 15 мая для аўтобуснага маршруту нумар 916Э пры руху ў напрамку прыпыначнага пункта «Студэнцкая вёска» адмяняецца заезд на тэрыторыю АВ «Цэнтральны», высадка пасажыраў будзе ажыццяўляцца на прыпыначным пункце «АВ Цэнтральны» па вул.Бабруйскай. Пры руху ў напрамку Нацыянальнага аэрапорта Мінск адмяняецца выкананне прыпыначнага пункта «Ленінградская».
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным13
Каментары