У Беларусі долю імпартнага тавару ў гандлёвых аб'ектах не будуць абмяжоўваць да 15%, паведаміў карэспандэнту БелТА намеснік прэм'ер-міністра Пётр Пракаповіч.
«Ніхто не будзе ўказваць гандлёвых аб'ектах, трымаць долю імпарту ў 85% або ў 15%. Аднак мы павінны ствараць такія ўмовы, каб беларускія тавары станавіліся больш якаснымі і канкурэнтаздольнымі», — сказаў Пётр Пракаповіч.
Віцэ-прэм'ер лічыць, што варта зрабіць больш жорсткімі ўмовы паставак з-за мяжы.
Паводле яго слоў, імпартныя тавары карыстаюцца ў Беларусі прывілеяваным становішчам.
«Прадпрымальнікі іх увозяць без афармлення і выплаты мытных пошлін, у выніку чаго замежная прадукцыя аказваецца танней айчыннай. Мы павінны пераламаць сітуацыю, тады канкурэнцыя стане нармальнай», — падкрэсліў Пётр Пракаповіч.
Намеснік прэм'ер-міністра адзначыў, што нават 15% - дастатковая доля імпартнай прадукцыі для беларускага рынку, якая дазваляе дасягнуць ідэальнага ўзаемадзеяння.
«Без імпарту нельга. Мы павінны мець ўзоры замежных тавараў, каб ведаць, на што арыентавацца, — растлумачыў ён. — Пры гэтым неабходна зрабіць усё магчымае,
каб гандлёвыя сеткі спрабавалі ўзяць на рэалізацыю як мага больш беларускіх тавараў.
Беларуская прадукцыя канкурэнтаздольная, і я упэўнены, што айчынныя прадпрыемствы могуць прапанаваць годную альтэрнатыву.
Як паведамлялася, прэм'ер-міністр Міхаіл Мясніковіч, наведваючы 18 чэрвеня мінскае ААТ «Трыкатажторг», выказаў меркаванне, што аптымальныя суадносіны імпартных і айчынных тавараў на рынку Беларусі павінны складаць прыкладна 15% на 85%.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8
Каментары