Беларуская дэлегацыя падарыла Райс бел-чырвона-белы напульсьнік
Дэлегацыя дэмакратычных сілаў Беларусі, у склад якой уваходзяць Эніра Браніцкая, Сяргей Калякін, Анатоль Лябедзька, Анатоль Ляўковіч, Аляксандар Мілінкевіч, Павал Севярынец і Зьміцер Хведарук, у гэтыя дні наведвае ЗША. Найбольш адметнай падзеяй візыту пакуль што стала гутарка зь дзяржсакратаром Кандалізай Райс.
Падчас сустрэчы дзяржсакратар ЗША Кандаліза Райс заявіла, што Вашынгтон падтрымлівае дэмакратычны рух у Беларусі.
А. Лябедзька адзначае, што дэлегацыю моцна ўразіла, як добра яна ведае беларускую праблематыку.
Дзяржсакратарка выказала ўпэўненасьць, што і пры новым прэзыдэнту захаваецца пераемнасьць амэрыканскай палітыкі ў дачыненьнях зь Беларусьсю.
Кандаліза Райс пацікавілася ў дэлегацыі, як лепш каардынаваць сумесную палітыку ЗША і краін Эўразьвязу ў дачыненьнях зь Беларусьсю.
Анатоль Лябедзька падараваў дзяржсакратарцы бел-чырвона-белы напульсьнік з надпісам “За свабоду!”. Яна яго адразу ж надзела на руку. «І я пажартаваў, — кажа Лябедзька, — што цяпер яна сябра беларускай каманды. На гэта спадарыня Райс адказала, што яна зь вялікім задавальненьнем будзе сябрам беларускай каманды».
Шрайбман з калегамі прапанавалі пакрокавы план дээскалацыі адносін Беларусі і ЕС53
Каментары