Прэзэнтацыя новай кнігі Аляксандра Лукашука «Дзясяты паверх»: 25 лютага, серада, кнігарня «логвінаЎ», пачатак а 19.00.
Выступаюць Уладзімер Арлоў, Анатоль Вярцінскі, Андрэй Федарэнка, Андрэй Хадановіч і іншыя.
Акцыя дабрачынная — усе сродкі ад продажу ідуць на дапамогу кнігарні «логвінаЎ» і выдавецтву «Галіяфы».
Том складаецца зь дзевяці кніг: Кніга быцьця, Кніга зыходу, Кніга плачу, Кніга песьняў, Кніга імя, Кніга царстваў, Кніга хаосу, Кніга сноў, Кніга tattoo, і ўключае мастацкія ўспаміны, недакумэнтальныя эсэ, літаратурныя сны і вершы на замежнай мове.
Цытаты з кнігі:
«Адзін зь любімых пісьменьнікаў Быкава, Альбэр Камю, у «Міфе пра Сізіфа» пісаў, што Сізіф быў шчасьлівы. Ён меў пакліканьне, вартых праціўнікаў, недасяжную мэту і кожны дзень рабіў усё, што мог, дзеля яе дасягненьня. Так можна сказаць пра Быкава.»
****
З п’есы-зноскі «Аль-бом-бом»: — А чым біць ляжачага, як не нагамі?! — Вы часам не з АМОНа?
****
«Калі мінулае і памяць зьліваюцца ў адно цэлае, памяць становіцца мінулым. І мінулым становіцца сам чалавек. І ў гэты момант ён становіцца чалавекам безь мінулага.»
****
— Я даўно хацела ўведаць, якая розьніца паміж вамі, беларусамі, і рускімі?..
— Гэта проста, — сказаў я. — Мы — белыя, яны — не.
Дама спынілася, узяла мяне за руку, зазірнула ў вочы і пранікнёна сказала: — Я вас вельмі разумею. Я сама з Паўднёвай Афрыкі.
****
«Магчыма, нешта ад паэзіі ў маіх тэкстах ёсьць, напрыклад, іх неабавязкова чытаць, бо, далібог, не хацеў бы я быць аўтарам чаго-небудзь абавязковага, бо што такое тады свабода. »
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары