У аўтобусах «Мінаблаўтатранса» з’явіцца бясплатны Wi-Fi
Усе міжнародныя аўтобусы арганізацыі будуць мець інтэрнэт з мая.
Адна з найбуйнейшых транспартных арганізацый Беларусі, Мінаблаўтатранс, раздасць пасажырам міжнародных аўтобусаў бясплатны Wi-Fi, распавядае БЕЛТА са спасылкай на гендырэктара арганізацыі Віктара Русака.
Сёння аўтобусы, задзейнічаныя ў міжнародных маршрутах, маюць клімат-кантроль, аўдыё- і відэасістэмы, кухні і прыбіральні. З мая ў «камплект» дададуць бясплатны Wi-Fi.
Акрамя таго, скарыстацца бясплатным Wi-Fi можна будзе на аўтавакзалах Мінскай вобласці.
***
Міжнародныя аўтобусы «Мінаблаўтатранса» ездзяць па мноству турыстычных напрамкаў, сярод якіх Чарнагорыя, Чэхія, Францыя, Іспанія, Італія, Літва і Польшча. Прадпрыемства мае 18 філіялаў і аб’ядноўвае 11 аўтавакзалаў і 13 аўтастанцый.
Пры карыстанні нават бясплатным Wi-Fi згодна з «указам 60» у Беларусі патрабуецца ідэнтыфікацыя асобы праз атрыманне пашпартных дадзеных. З задачай ідэнтыфікацыі без прад’яўлення пашпарту ў Магілёве справіліся праз увядзенне абанентам свайго нумару тэлефону дзеля атрымання SMS-паролю на падключэнне да сеткі.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары