Серб Бранка Міркавіч быў найлепшым у «Цмокаў»
У стартавым туры баскетбольнага турніру Адзіная ліга ВТБ мінскія «Цмокі» ў гасцях выйгралі ў казанскага УНІКСа з лікам 91:83 (20:22, 22:16, 31:23, 18:22).
Што праўда, найлепшымі ў беларусаў былі легіянеры: Бранка Міркавіч набраў 17 балаў, Іван Мараш, Гарэт Штутц — 16, Джасцін Грэй — 13, Энтані Хіліярд — 10. У Аляксандра Кудраўцава — 11, Віталя Лютыча — 6.
Былы гулец «Цмокаў» Арцём Парахоўскі, што цяпер выступае за УНІКС, набраў 8 балаў.
У турніры Адзіная ліга ВТБ (фактычна Адкрыты чэмпіянат Расіі, з Расіі — 9 камандаў) выступае 16 клубаў, што гуляюць у два колы. У мінулым сезоне «Цмокі» фінішавалі на 15-м месцы.
Наступны матч мінчукі правядуць 13 кастрычніка ў гасцях супраць «Енісея».
У Мінску першая гульня — 18 кастрычніка супраць «Зеніта».
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку40
Каментары