У Бельгіі на непрацуючым блоку АЭС «Дуль» адбыўся выбух. Як паведамляе РІАН, за ім адбылося ўзгаранне.
Прадстаўніца кампаніі Electrabel, якая абслугоўвае станцыю, заявіла, што ніхто не пацярпеў. «Выбухнуў трансфарматар на падстанцыі АЭС, у выніку чаго пачаўся невялікі пажар, які быў лакалізаваны на працягу гадзіны», — распавяла Эльзэ Дэ Клерк. Удакладняецца, што пагрозы радыеактыўнага заражэння няма, эвакуацыя не праводзілася. Прычыны здарэння высвятляюцца.
У кампаніі падкрэсліваюць, што інцыдэнт не паўплывае на забеспячэнне электраэнергіяй ў Бельгіі, піша Le Soir. У лютым 2015 блок АЭС «Дуль», на якім адбыўся выбух, быў адключаны. Гэта было зроблена ў сувязі са сканчэннем 40-гадовага тэрміну службы блока.
«Дуль» — найстарэйшая АЭС Бельгіі, размешчаная ў вусце ракі Шэльда на поўначы краіны. Першыя рэактары на ёй былі запушчаныя ў 1975 годзе. Усяго ў Бельгіі функцыянуе сем рэактараў, якія забяспечваюць каля 55% ад патрэбнага дзяржаве аб'ёму электраэнергіі.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары