«Каларада Эвэланш» Руслана Салея гэтай ноччу зрабіла вялізны крок для трапляньне ў васьмёрку мацнейшых каманд сёлетняга Кубку Стэнлі.
«Каларада Эвэланш» Руслана Салея зрабіла вялізны крок для трапляньне ў васьмёрку мацнейшых каманд сёлетняга розыгрышу найпрыстыжнага хакейнага трафэю. «Лавіны» на выезьдзе ў Мінэсоце мінімальна перамаглі тамтэйшых «дзікуноў» – 3:2. Лік у сэрыі цяпер такі ж – 3:2 на карысьць каманды з Дэнвэру, для агульнай перамогі ў сэрыі «Каларада» засталося атрымаць адну перамогу. Наступны матч 19 красавіка паводле сярэднеамэрыканскага часу на пляцоўцы каманды Салея.
Затое вельмі балюча сёньня прайграў «Манрэаль Канадыянс». Каманда братоў Касьціцыных выйграла першы пэрыяд у «Бостана» 1:0, але што адбылося з клюбам далей цяжка даецца разуменьню. Пяць безадказных шайб пабывалі ў варотах юнага Прайса, «канадцы» ж не забілі ніводнай – 1:5. Нават нягледзячы на паразу «Манрэаль» працягвае выйграваць у сэрыі зь лікам 3:2.
***
Астатнія матчы гэтай ночы прынесьлі наступныя вынікі:
«Філядэльфія» – «Вашынгтон» – 4:3 (Лік у сэрыі 3:1);
«Далас» – «Анахайм» – 3:1 (Лік у сэрыі 3:1);
«Сан-Хасэ» – «Калгары» – 4:3 (Лік у сэрыі 3:2).
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары