У сталіцы Палесся на вуліцы Леніна адкрылася крама «Мой модны кут», у якой можна набыць рэчы з беларускай сімволікай.
Цішоткі, кубкі, магніты, бейсболкі і шмат іншых сувеніраў з беларускай сімволікай сталі даступнымі пінчукам.
Уладальніца крамы Таццяна Данілішына распавяла «Медыя-Палессю» аб сваім бізнесе:
— Мы працуем усяго другі дзень. Асаблівай рэкламы не рабілі, аднак заходзіць даволі шмат пінчукоў, і водгукі ў асноўным станоўчыя. Цікава глядзець на рэакцыю людзей, якія ніколі не бачылі такога ў Пінску.
Таццяна Данілішына падкрэсліла:
— Акрамя бізнэсу, мы нясём і асветніцкую функцыю: папулярызуем рэчы і з’явы, звязаныя з беларускай мовай, культурай і гісторыяй. Наш тавар зроблены з беларускай душою і здаровым патрыятызмам. Далей плануем прадаваць тавар з палескім каларытам, так што чакаем прапаноў ад пінчукоў.
Цяпер чытаюць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў2
Каментары