Камітэт па замежных справах Вярхоўнай рады Украіны звярнуўся да Парламенцкай асамблеі Савета Еўропы і генеральнага сакратара Савета Еўропы з нагоды забароны Беларуссю ўезду на яе тэрыторыю ўкраінскім дэпутатам, паведамляе прэс-служба дэпутата ВР Ігара Гузя.
У лісце адзначаецца, што Беларусь уводзіць практыку абмежавання ўезду народным дэпутатам, якія з'яўляюцца членамі ПАСЕ, у прыватнасці намесніку кіраўніка камітэта па замежных справах Ігару Гузю і першаму намесніку старшыні Вярхоўнай рады Ірыне Герашчанцы.
Дэпутаты лічаць, што гэтае рашэнне не адпавядае дэмакратычным традыцыям, улічваючы тое, што Беларусь пачынае аднаўляць адносіны з ПАСЕ.
Гузю адмовілі ва ўездзе ў Беларусь 25 красавіка. Памежнікі паведамілі аб забароне ўезду на падставе прадстаўлення з такім патрабаваннем з боку адпаведных органаў Расійскай Федэрацыі. Планавалася, што 26 красавіка Гузь возьме ўдзел у прэс-канферэнцыі з палітыкамі Паўлам Севярынцам і Мікалаем Статкевічам на тэму «Беларусь і Украіна перад пагрозай страты незалежнасці». Таксама дэпутат збіраўся прыйсці на акцыю «Чарнобыльскі шлях» і наведаць сваякоў беларусаў, якія ўдзельнічаюць у антытэрарыстычнай аперацыі на Данбасе.
26 красавіка Ірыну Герашчанку, якая з'яўляецца ўдзельніцай мінскіх перамоў па ўрэгуляванні сітуацыі на Данбасе, пратрымалі некалькі гадзін на беларускай мяжы: высветлілася, што яна была неўязная ў Беларусь, бо «ўключаная ў спіс асобаў, уезд якіх у Рэспубліку Беларусь забаронены або непажаданы па ініцыятыве кампетэнтных органаў Расійскай Федэрацыі». Затым ёй быў дазволены ўезд у краіну да 25 мая.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары