Прэзідэнт Турцыі Рэджэп Таіп Эрдаган назваў парушэннем запаведзяў абмежаванне нараджальнасці, паклікаўшы мусульманскае насельніцтва адмовіцца ад кантрацэпцыі і заводзіць больш дзяцей, як прадпісана прарокам.
«Адкрыта заяўляю: мы будзем падымаць нараджальнасць, мы будзем павышаць колькасць насельніцтва. Планаванне сям'і, кантроль нараджальнасці — ніводная мусульманская сям'я не будзе падзяляць такі вобраз думак», — цытуе Эрдагана газета Hurriyet.
Заклік да адмовы ад кантрацэпцыі і павышэння нараджальнасці прагучаў у выступе Эрдагана ў Стамбуле з нагоды 20-й гадавіны Фонду моладзі і адукацыі. На думку прэзідэнта, планаванне сям'і абмяжоўвае рост колькасці насельніцтва Турцыі.
Як адзначае агенцтва Асашыэйтэд прэс, раней Эрдаган выклікаў абурэнне жаночых арганізацый, калі заявіў, што жанчыны не роўныя мужчынам і кожная з іх павінна нарадзіць не менш за трох дзяцей. Ён таксама заклікаў забараніць аборты і пралюбадзейства.
Акрамя таго, турэцкі прэзідэнт і раней выказваўся супраць кантрацэпцыі. У 2014 годзе Эрдаган у адным з сваіх выступаў параўнаў выкарыстанне кантрацэптываў да дзяржаўнай здрады.
Літва зноў зачыніла мяжу з Беларуссю — ізноў шары з кантрабандай9
Каментары