Кіраўнік ФХРБ Ігар Рачкоўскі ў інтэрв'ю карэспандэнту «Прессбола» Вячаславу Федарэнкаву распавёў, што паспрабуе пераканаць Аляксандр Лукашэнка ў неабходнасці захаваць трэнерскі штаб нацыянальнай зборнай у цяперашнім выглядзе.
— Мяркую, у хуткім часе вам трэба будзе рабіць даклад прэзідэнту краіны і НАКа. Наколькі хуткім?
— Дату, як разумееце, у дадзеным выпадку вызначаю не я. Але даклад, вядома, будзе. Як мінімум у канве будучага алімпійскага сходу.
— Ці ўпэўненыя ў магчымасці пераканаць Аляксандра Лукашэнку ў тым, што мы з вамі цяпер абмеркавалі?
— Пастараюся быць пераканаўчым. Нельга ламаць сістэму, якая толькі-толькі пачынае наладжвацца. Маю на ўвазе трэнерскі штаб у яго цяперашнім выглядзе. Трэба даць людзям дапрацаваць, як і намечана, да 2018-га. Тым больш што гэты штаб працуе не толькі з нацыянальнай, але і з моладзевай і юнацкай зборнымі. А мы, нагадаю, распачынаем кампанію за права правядзення чэмпіянату свету—2021 або 2022. І праз пяць гадоў тыя, хто цяпер рыхтуецца ў «малодшых» зборных, будуць прадстаўляць краіну ў галоўнай. Інстытут зборных у тым выглядзе, у якім даўно задумваўся, толькі-толькі пачынае працаваць. А па-сапраўднаму добрая рабочая атмасфера ў нацыянальнай камандзе — толькі складвацца.
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска4
Каментары