Сойм Польшчы адправіў на дапрацоўку законапраект аб поўнай забароне абортаў
Сойм ухваліў законапраект аб поўнай забароне абортаў і адправіў яго на дапрацоўку. Ім зоймецца парламенцкая камісія па правах чалавека.
Падчас пасяджэння дэпутат ад партыі «Права і справядлівасць» Ганна Мільчаноўская не пагадзілася з існуючым правам на аборт у выпадку захворвання плоду на сіндром Даўна.
«Я з'яўляюся маці дзіцяці з сіндромам Дауна і хачу запэўніць, што гэта не пакуты й ніякі не крыж, як пра гэта кажуць. Гэта каханне», - сказала Мільчаноўская.
Грамадзянскі праект прадугледжвае пазбаўленне волі за наўмысны аборт. Прадстаўнік камітэта «Стоп Аборт» доктар Іаана Банасюк запэўніла, што гэты праект закліканы забяспечыць поўную абарону маці.
У сваю чаргу Сойм адхіліў грамадзянскі праект, які наадварот - прадугледжвае лібералізацыю закона аб абортах. Камітэт пад назвай «Выратуем жанчын» хоча легалізаваць аборты ва ўсіх выпадках да 12 тыдня цяжарнасці.
Каментары