Перамогай немкі Лауры Дальмаер завяршылася жаночая гонка пераследу на этапе Кубка свету па біятлоне ў паўднёвакарэйскім Пхенчхане.
Дыстанцыю 10 км з чатырма агнявымі рубяжамі пераможца прайшла за 27 мін. 58,0 сек., не дапусціўшы ніводнага промаху. Другой фінішавала фінская біятланістка Кайса Мякярайнен (+1 мін. 12,6 сек.; 2 промахі), трэцяе месца заняла францужанка Анаіс Бескон (+1 мін. 18,9 сек.; 1).
Надзея Скардзіна (0+0+0+0) паднялася з 22-га месца на 11-е, Дар'я Домрачава (1+0+0+1) — з 20-га на 13-е.
У нядзелю жаночую праграму спаборніцтваў завершыць эстафетная гонка.
Цяпер чытаюць
Каментары