Інданезійскія паліцыянты змогуць страляць без папярэджання ў наркагандляроў, якія супраціўляюцца пры затрыманні ці спрабуюць збегчы, заявіў у нядзелю прэзідэнт краіны Джок Відода, піша Dw.de.
«Будзьце жорсткімі, асабліва ў адносінах да замежных наркагандляроў, якія прыязджаюць у краіну. Нават калі яны ледзь супраціўляюцца арышту — страляйце ў іх», - загадаў Відода.
Прэзідэнт дазволіў інданезійскай паліцыі звяртацца да жорсткіх дзеянняў пасля таго, як супрацоўнікі праваахоўных органаў застрэлілі жыхара Тайваня, якога падазравалі ў спробе правесці ў краіну наркотыкі.
Заява Відода выклікала крытыку з боку праваабаронцаў. Яны лічаць, што паліцэйскія могуць няправільна ўспрыняць заклік і страляць на паражэнне ў падазраваных наркагандляроў, нават калі яны не аказваюць супраціву пры затрыманні.
Каментары