Літоўская камісія па радыё і ТБ (ЛКРТБ) разглядае магчымасць абмежавання вяшчання двух расійскіх тэлеканалаў, якія трансліруюцца ў Літве, паведамляе Delfi.
Тэлеканалы «РТР Планета» і «ТВЦі» абвінавачваюцца ў распальванні нянавісці.
Гаворка ідзе пра дзве перадачы, у якіх выступіў скандальны расійскі палітык Уладзімір Жырыноўскі. У адной з праграм лідар ЛДПР заявіў: «Трэба выставіць ультыматум прыбалтыйскім дзяржавам, каб яны адвялі войскі НАТА на 300 кіламетраў ад межаў Расіі, а не адведзяце — мы прымем пэўныя меры». У іншай перадачы Жырыноўскі казаў пра акупацыю Украіны.
Працэдура абмежавання вяшчання можа працягнуцца некалькі тыдняў. ЛКРТБ сцвярджае, што яе высновы аб распальванні вайны і нянавісці ў гэтых праграмах пацвердзіў Дэпартамент стратэгічнай камунікацыі і сувязяў з грамадскасцю Мінабароны.
Цяпер чытаюць
У Мінску адкрылі самую незвычайную развязку — алмазную. Выязджаць трэба як бы на сустрэчку ФОТА5
Каментары