Здарэнні3131

«Жартавала: нараджу і выкіну!» — маці патапіла нованароджанае дзіця ў вулічным туалеце

Жыхарка вёскі Зябраўка, што ў Гомельскім раёне, пойдзе пад суд за забойства ўласнага сына.

У кастрычніку мінулага года 29-гадовая жанчына даведалася, што цяжарная. Але сваё становішча яна вырашыла не афішаваць, не ведаў нават яе ўласны бацька, які пражывае ў другой палове агульнага дома. Навіной будучая маці падзялілася толькі з дзвюма сяброўкамі.

На іх пытанні, што яна збіраецца рабіць з дзіцем, жартам адказвала, што народзіць і выкіне.

На ўлік у жаночую кансультацыю жанчына не станавілася, па медыцынскую дапамогу не звярталася.

З матэрыялаў справы вынікае, што будучая маці і сама не ведала, ад каго зацяжарыла. Дарэчы, ад першага дзіцяці, якога жанчына нарадзіла ў 2011 годзе, яна адмовілася, пакінуўшы яго ў шпіталі.

У канцы красавіка ноччу ва ўласным доме яна ў адзіноце нарадзіла хлопчыка.

«Загарнула малога ў анучы, пераматала вяроўкай і выкінула ў туалет на вуліцы. Праз тры дні сяброўкі, якія ведалі аб цяжарнасці, пацікавіліся, дзе ж дзіця. Аднак жанчына не разгубілася і адказала, што закапала яго, таму што дзіця нарадзілася мёртвым», — распавёў Гомельскай праўдзе пракурор аддзела пракуратуры вобласці Уладзіслаў Мігас.

Адна з сябровак распавяла аб здарэнні дырэктару мясцовай школы, у якой працуе. Ён звярнуўся да старшыні сельсавета, а ўжо той выклікаў міліцыю.

2 мая падчас агляду дома і зямельнага ўчастка праваахоўнікі ў прыбіральні знайшлі скрутак з мёртвым дзіцем.

Дарэчы, жанчына сама распавяла ім, што нарадзіла. Аднак па яе версіі, здарылася гэта яшчэ ў студзені, дзіця нарадзілася мёртвым, таму яна яго і выкінула. Але экспертыза выявіла, што хлопчык нарадзіўся нядаўна, жывы і жыццяздольны. Таксама стала вядома, што з моманту нараджэння ён пражыў ад пяці гадзін да сутак.

Тады гора-маці прыдумала, што дзіця выкінуў яе бацька, а да гэтага выпадку ён нібыта гэтак жа пазбавіўся ад чацвярых яе нованароджаных дзяцей.

У ходзе следства высветлілася, што дзядуля не датычны да злачынства. Больш за тое, ён прайшоў праверку на паліграфе — мужчына не ведаў пра цяжарнасць сваёй дачкі.

Каментары31

Цяпер чытаюць

«У палітыцы была справа». Лукашэнка высветліў, чаму беларусам не хапіла бульбы6

«У палітыцы была справа». Лукашэнка высветліў, чаму беларусам не хапіла бульбы

Усе навіны →
Усе навіны

Гайдукевіч параіў выкладваць у тыкток «не дупу»14

Беларуска падзялілася ўражаннямі ад аўтобуснага тура ў Дагестан — 32 гадзіны да першага начлега2

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка7

У жанчыны ў Германіі нарадзіўся 100-ы праўнук

У Беларусі крытычна падае нараджальнасць. А як у суседніх краінах?16

Расіяне нанеслі масіраваны ўдар па Кіеве і Адэсе1

Актрыса Ганна Хітрык паведаміла, што рак вярнуўся6

Чаму ў сярэднім узросце наша талія павялічваецца? Прычына нечаканая1

больш чытаных навін
больш лайканых навін

«У палітыцы была справа». Лукашэнка высветліў, чаму беларусам не хапіла бульбы6

«У палітыцы была справа». Лукашэнка высветліў, чаму беларусам не хапіла бульбы

Галоўнае
Усе навіны →

Заўвага:

 

 

 

 

Закрыць Паведаміць