Фота затрымання з'явіліся ў твітары.
Затрыманы некалькі хлопцаў, якія граюць у мінскім гурце пад назвай «Бульбінгем». Музыкаў затрымаў АМАП пасля выступу пад мастом на Нямізе.
У пастарунак паехалі музыкі Мікалай Дземідовіч, Мікалай Алушта, Аляксей Зачараў.
Па непацверджанай інфармацыі, хлопцы знаходзяцца ў Цэнтральным РАУСе.
«Гурт нярэдка грае ў пераходах ці проста на вуліцы. Звычайныя выступы — часам збіраюць грошы, але гэта не акцыя, нічога такога», — паведаміў «Нашай Ніве» адзін з удзельнікаў гурта. Хлопец прымае ўдзел у канцэртных выступах, на вуліцы ён не грае.
Па словах музыкі, затрыманым хлопцам каля 30 гадоў. Яны ўраджэнцы розных гарадоў (Салігорск, Нясвіж), сваякоў у Мінску не маюць. За што затрымалі музыкаў і дзе яны цяпер, сам хлопец не ведае.
Можа быць, амапаўцам не спадабаўся рэпертуар гурта?
«Сколько в округе воров, хулиганов, сколько людей обчищают карманы, но ты выбираешь меня, милиция!» — спявае ў адной з песень гурт.
Міліцыя пакуль не пракаментавала сітуацыю.
Праз некалькі гадзін хлопцаў адпусцілі. Кажуць, што пратакол не складалі.
Цяпер чытаюць
Азараў закрыў план «Перамога» і перавёў усіх удзельнікаў у рэзерв2
Каментары