Сёлетні чэмпіянат Беларусі аказаўся самы цікавы за апошнія гады. Але і самым скандальны.
У 29-м туры барысаўскі БАТЭ атрымаў перамогу над гродзенскім «Нёманам» — 3:1.
Адметна, што гродзенцы адкрылі лік у першым тайме. Пасля перапынку футбалісты БАТЭ змаглі пераламіць сітуацыю, прычым у выпадку з другім голам суддзі не заўважылі, як Віталь Радзівонаў падыграў сабе рукой. Футбалісты «Нёмана» спрабавалі даказаць сваю рацыю, і арбітр выдаліў аднаго з іх. На гэтым інтрыга ў матчы знікла.
Салігорскі «Шахцёр» тым часам прайграў жодзінскаму «Тарпеда-БелАЗу» з лікам 1:2. Прычым і тут не абышлося без скандалу. Свой другі гол жодзінцы, найхутчэй, забілі з афсайда.
Мінскае «Дынама» перамагло «Крумкачоў» — 1:0.
Такім чынам, перад апошнім турам верх турнірнай табліцы выглядае наступным чынам:
- БАТЭ — 67 балаў.
- «Дынама» (Мінск) — 65 балаў.
- «Шахцёр» (Салігорск) — 65 балаў.
26 лістапада ўсе прэтэндэнты на чэмпіёнства згуляюць са сваімі супернікамі ў гасцях. БАТЭ адправіцца да «Гарадзеі», мінскае «Дынама» паспаборнічае з «Віцебскам», а «Шахцёр» — з «Нёманам».
Такім чынам, БАТЭ у апошнім матчы дастаткова згуляць унічыю для чэмпіёнства. Бо па асабістых сустрэчах барысаўцы мацнейшыя і за «Шахцёр», і за «Дынама».
* * *
Не менш цікавая сітуацыя і ў ніжняй частцы табліцы. «Нафтан» дакладна застанецца на апошнім месцы, а вось хто яшчэ вылеціць з вышэйшай лігі?
…13. «Мінск» — 23 балы.
14. «Крумкачы» (Мінск) — 22 балы.
15. «Славія» (Мазыр) — 20 балаў.
«Славія» згуляе ў гасцях з «Тарпеда-БелАЗам», а «Мінск» і «Крумкачы» — між сабой.
Калі матч сталічных каманд скончыцца ўнічыю, «Славія» ў любым выпадку застанецца па-за вышэйшай лігай.
Цяпер чытаюць
Памятаеце фота з мускулістым беларусам, які ў 2020-м ішоў у счэпцы з амапаўцам? Цяпер ён здымаецца ў кіно ў Англіі1
Каментары