Футбольны клуб «Крумкачы» не выйдзе на поле ў матчы Кубка Беларусі супраць гродзенскага «Нёмана». Пра гэта гаворыцца ў звароце да заўзятараў.
«Як вядома, футбольнаму клубу «Крумкачы» адмоўлена ў прыёме заяўкі на праходжанне ліцэнзавання. Апеляцыя таксама не прынесла выніку. Па вялікім рахунку нашаму клубу вынесены смяротны прысуд.
… Клуб прысудзілі да найвышэйшай меры пакарання за парушэнне тэрмінаў іх падачы. Нягледзячы на ўсе нашы довады аб празмернасцi настолькі суровага пакарання, рашэнне пакінута ў сіле. На наш погляд, яно супярэчыць і прававым, і маральным, і спартыўным нормам, якіх павінен прытрымлівацца беларускі футбол. Яно відавочна несправядлівае і неверагодна жорсткае», — гаворыцца ў заяве.
«Мы не бачым іншага выйсця, апроч як адмяніць матч 1/4 фінала Кубка Беларусі. «Крумкачы» не выйдуць на матч супраць «Нёмана» у нядзелю», — падсумоўваюць гаспадары клуба.
«Крумкачы» на працягу 2017 года мелі фінансавыя праблемы і выплачвалі заробкі футбалістам са спазненнем ці не выплачвалі ўвогуле. Армянскі інвестар з'явіўся ў клуба зусім нядаўна. Праз гэта каманда не паспела своечасова падаць заяўку на ўдзел у чэмпіянаце Беларусі. Федэрацыя футбола пайшла на прынцып і не дапусціла «Крумкачоў» на спаборніцтваў.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары