Шведскі дыджэй Avicii (сапраўднае імя Цім Берглінг) памёр на 29-м годзе жыцця. Пра гэта паведаміў у пятніцу часопіс Billboard.
Ён быў знойдзены мёртвым у Маскаце (сталіца Амана), днём у пятніцу, 20 красавіка. Пра смерць Ціма Берглінга паведаміў яго менеджар.
Дыджэй пачаў кар'еру з рэмікса на музычную тэму з відэагульні Lazy Jones. Папулярнасць у Еўропе заваяваў у 2010-м з сінглам «Levels». Ужо ў 2012 годзе Avicii сумесна з легендай Дэвідам Гетам быў намінаваны на Grammy за сумесны трэк «Sunshine». Праз год індывідуальную намінацыю атрымаў «Levels». У тым жа 2013-м пра дыджэя даведаліся нават далёкія ад электроннай музыкі абывацелі: сумесны з Brickbreaker «Wake me up» падарваў танцполы усяго свету аж да сельскіх дыскатэк. Восенню 2013 года Avicii выпусціў дэбютны альбом.
Па дадзеных Forbes, у 2013 годзе Avicii з гадавым прыбыткам у $20 млн уваходзіў у дзясятку самых высокааплатных дыджэяў свету.
З 2016 года Avicii спыніў жывыя выступы па стане здароўя. Як паведамлялася, артыст пакутаваў на хранічнае захворванне на працягу апошніх некалькіх гадоў. Сярод хвароб называлі панкрэатыт, выкліканы празмерным ужываннем алкаголю.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары