Рэвалюцыя ва ўтылізацыі адкідаў? Знойдзеныя бактэрыі, што ядуць пластык
Навукоўцам атрымалася ўдасканаліць прыродны фермент, які здольны раскладаць некаторыя з найбольш распаўсюджаных палімераў, што забруджваюць навакольнае асяроддзе. Гэты фермент выпрацоўвае выяўленая нядаўна бактэрыя, перадае «Бі-Бі-Сі».
Мадыфікаваны фермент, які атрымаў абазначэнне PETase, пачынае раскладаць гэты палімер на працягу некалькіх дзён. Гэта можа прывесці да рэвалюцыі ў справе ўтылізацыі пластмасавых адкідаў.
Першапачаткова гэты фермент быў знойдзены ў Японіі. Ён з'яўляецца прадуктам жыццядзейнасці бактэрыі Ideonella sakaiensis, якая пажырае поліэтылен PET ў якасці асноўнай крыніцы энергіі.
Біяхімікі стварылі трохмерную камп'ютарную мадэль ферменту, ужыўшы магутны рэнтгенаўскі лазер. Разабраўшыся ў малекулярнай структуры гэтага ферменту, яны адзначылі, што эфектыўнасць дзеяння PETase можна палепшыць, унёсшы змены ў яго паверхневую структуру.
Прафесар Джон Макгіян, адзін з аўтараў даследавання, спадзяецца, што атрыманыя вынікі азначаюць пачатак буйнога зруху ў праблеме ўтылізацыі пластыкавых адкідаў.
Чытайце таксама: Колькі смецця Беларусь прадае суседнім краінам і чаму доля выкарыстання пластыкавай тары ў нас — 80%, а ў Бельгіі — 3%
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту2
Каментары