У Барысаве вынеслі прысуд сяржанту Арцёму Бердніку, які служыў у 72-м навучальным цэнтры ў Печах, паведамляе сайт Вярхоўнага суда. Яго прысудзілі да 3 гадоў пазбаўлення волі ў папраўчай калоніі ўзмоцненага рэжыму.
Фота: Вольга Шукайла, Tut.by.
Арцём Берднік быў камандзірам падраздзялення ў вайсковай часці ў Печах пад Барысавам, дзе ў верасні 2017 году загінуў Аляксандар Коржыч.
Ён быў прызнаны вінаватым у перавышэнні службовых паўнамоцтваў, а таксама ў перавышэнні ўлады з гвалтам.
Акрамя пазбаўлення волі на тэрмін 3 гады, Бердніка прысудзілі да канфіскацыі маёмасці і пазбавілі права займаць пасады, звязаныя з выкананнем арганізацыйна-распарадчых абавязкаў, на 5 гадоў. Таксама яго пазбавілі вайсковага звання «сяржант».
Прысуд можа быць абскарджаны і апратэставаны.
Цяпер чытаюць
Лукашэнка: без гальштука ў размовах з пасланнікамі Трампа, у гальштуку з расійскімі губернатарамі7
Каментары