Ад 3000 еўра ў Кыргызстане да 4000 еўра ў Сірыі — колькі зарабляюць паслы Беларусі
Савет міністраў удакладніў аклады паслоў Беларусі ў іншых краінах і міжнародных арганізацыях. Папярэдні раз змены рабіліся ў 2013 годзе.

«Наша Ніва» параўнала заробкі тады і цяпер.
Варта адзначыць, што вялікіх зменаў у акладах няма: па-ранейшаму самыя нізкааплатныя паслы — гэта паслы ў Арменіі і Польшчы (па 2960 еўра) і Кыргызстане (2990).
Самыя высокааплатныя паслы працуюць у Японіі (4080 еўра) і Венесуэле (3980). Таксама ў гэты спіс дадалася Сірыя, дзе ідзе вайна.
Да заробку ў некаторых краінах далучаецца каэфіцыент за цяжкія прыродныя ўмовы. Абноўленыя каэфіцыенты пакуль не апублікаваныя.
Вось аклады беларускіх паслоў у некаторых краінах (аклады ў еўра):
| Краіна | 2013 | 2018 |
| Венесуэла | 3980 | 3980 |
| Сірыя | 3090 | 3980 |
| Швейцарыя | 3910 | 3910 |
| Японія | 4080 | 4080 |
| ААН | 3910 | 3650 |
| Бразілія | 3670 | 3670 |
| Расія | 3670 | 3670 |
| Кыргызстан | 2990 | 2990 |
| Польшча | 2960 | 2960 |
| Ірак | 3160 | 3360 |
| Карэя | 3230 | 3690 |
Каментары