Графік руху грамадскага транспарту Мінска перабудаваны на час правядзення масавых святочных мерапрыемстваў у пераднавагодні перыяд і непасрэдна ў ноч з 31 снежня на 1 студзеня, паведамляе БелТА.
З 24 снежня па 7 студзеня ў перыяд з 10.00 да 22.00 павялічваецца колькасць аўтобусаў на маршруце №1. Часцей будуць хадзіць 30 і 31 снежня з 10.00 да 20.00 аўтобусы № 9Д, 22, 24, 29, 42, 43Д, 54, 60, 69, 73, 74С, 78, 85С, 90, 99, 102, 104, 112С, 113С, 121, 921; тралейбусы № 2, 6, 16, 20, 22, 27, 29, 33, 46, 60; трамваі № 1 і 3.
У навагоднюю ноч да 5.00 гараджане і госці змогуць дабрацца да месцаў святкаванняў і назад дадому на пасажырскім транспарце. З рознымі інтэрваламі будуць хадзіць аўтобусы па 26 найбольш папулярных маршрутах, даступны дзесяць тралейбусных маршрутаў (№ 3, 6, 20, 27, 29, 48, 53, 57, 62, 92) і яшчэ два трамвайныя (№ 4 і 6). Таксама з гадзінным інтэрвалам будуць хадзіць прыгарадныя аўтобусы № 343 «ДС Уручча-2 — чыгуначная ст. Калодзішчы» і паўтарагадзіннымі — № 429 «ДС Дружная — Атоліна».
Сталічны метрапалітэн 31 снежня забяспечыць інтэрвал руху цягнікоў па абедзвюх лініях з 11.00 да 20.00 — 6 хвілін, з 20.00 да 24.00 — 7-10 хвілін. Затым з паўночы і да 4.00 1 студзеня цягнікі будуць хадзіць з частатой прыкладна 6 хвілін. Уваход для пасажыраў на станцыі «Няміга», «Купалаўская» (выхад да праспекта Незалежнасці), «Кастрычніцкая», «Фрунзенская» будзе зачынены ў 4.15, на астатнія станцыі — у 4.00.
А ўжо ў 5.30 сталічная падземка пачне новы працоўны дзень.
Васкрасенскі: Адкрываецца неба — і Алесь Бяляцкі адразу выходзіць31
Каментары