Hrafik ruchu hramadskaha transpartu Minska pierabudavany na čas praviadzieńnia masavych śviatočnych mierapryjemstvaŭ u pieradnavahodni pieryjad i niepasredna ŭ noč z 31 śniežnia na 1 studzienia, paviedamlaje BiełTA.
Z 24 śniežnia pa 7 studzienia ŭ pieryjad z 10.00 da 22.00 pavialičvajecca kolkaść aŭtobusaŭ na maršrucie №1. Čaściej buduć chadzić 30 i 31 śniežnia z 10.00 da 20.00 aŭtobusy № 9D, 22, 24, 29, 42, 43D, 54, 60, 69, 73, 74S, 78, 85S, 90, 99, 102, 104, 112S, 113S, 121, 921; tralejbusy № 2, 6, 16, 20, 22, 27, 29, 33, 46, 60; tramvai № 1 i 3.
U navahodniuju noč da 5.00 haradžanie i hości zmohuć dabracca da miescaŭ śviatkavańniaŭ i nazad dadomu na pasažyrskim transparcie. Z roznymi intervałami buduć chadzić aŭtobusy pa 26 najbolš papularnych maršrutach, dastupny dziesiać tralejbusnych maršrutaŭ (№ 3, 6, 20, 27, 29, 48, 53, 57, 62, 92) i jašče dva tramvajnyja (№ 4 i 6). Taksama z hadzinnym intervałam buduć chadzić pryharadnyja aŭtobusy № 343 «DS Uručča-2 — čyhunačnaja st. Kałodziščy» i paŭtarahadzinnymi — № 429 «DS Družnaja — Atolina».
Staličny mietrapaliten 31 śniežnia zabiaśpiečyć intervał ruchu ciahnikoŭ pa abiedźviuch linijach z 11.00 da 20.00 — 6 chvilin, z 20.00 da 24.00 — 7-10 chvilin. Zatym z paŭnočy i da 4.00 1 studzienia ciahniki buduć chadzić z častatoj prykładna 6 chvilin. Uvachod dla pasažyraŭ na stancyi «Niamiha», «Kupałaŭskaja» (vychad da praśpiekta Niezaležnaści), «Kastryčnickaja», «Frunzienskaja» budzie začynieny ŭ 4.15, na astatnija stancyi — u 4.00.
A ŭžo ŭ 5.30 staličnaja padziemka pačnie novy pracoŭny dzień.
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary