У Харкаве «актывісты» сабраліся на мітынг у падтрымку аднаго з кандыдатаў у прэзідэнты Украіны — Анатоля Анапрыенкі. Праблема ў тым, што такога кандыдата не існуе. Пранкерамі былі рэдакцыя сайта 057.ua.
Яны прапаноўвалі ўдзельнікам па 1000 грыўняў (амаль 80 рублёў). Жадаючых «падтрымаць прэзідэнта ад народа» аказалася крыху больш за сотню чалавек, якіх сабралі за 2 дні пры дапамозе аб'яў у сацыяльных сетках.
Адзін з арганізатараў папрасіў людзей пакрычаць «Анапрыенка — гэта мы!», «Анапрыенка — гэта сіла!», і «Анапрыенка — будучыня Украіны!».
Людзі на камеру казалі, што гатовыя галасаваць за кандыдата, нягледзячы на тое, што не чыталі яго праграму.
Імя і прозвішча «будучага прэзідэнта» таксама былі выбраны не выпадкова. Анатоль Анапрыенка — савецкі і ўкраінскі серыйны і масавы забойца, які, паводле некаторых крыніц, з'яўляецца самым жорсткім маньякам XX стагоддзя, якога можна параўнаць з Чыкацілам.
-
Археолагі знайшлі доказы таго, што найстаражытнейшыя продкі чалавека — якія жылі 2,5 млн гадоў таму — ужо ўмелі навучаць і перадаваць веды
-
Трамп заявіў, што ЗША не будуць удзельнічаць у саміце G20 у ПАР
-
ЗША не будуць блакаваць пастаўкі расійскай нафты і газу ў Венгрыю, заявіў Орбан пасля сустрэчы з Трампам
Каментары