У Крамлі задаволеныя працай Міхаіла Бабіча на пасадзе пасла Расіі ў Мінску, яго далейшыя прызначэнні не анансуюцца, заявіў журналістам прэс-сакратар прэзідэнта Расіі Дзмітрый Пяскоў, перадае «РІА Новості».
Раней Уладзімір Пуцін вызваліў Бабіча ад пасады пасла Расіі ў Мінску і прызначыў на гэтую пасаду кіраўніка камітэта Савета Федэрацыі па эканамічай палітыцы Дзмітрыя Мезенцава.
Кремль доволен работой Бабича на посту посла в Белоруссии. По словам Пескова, его поспешная отствака была связана исключительно с новым кадровым решением Путина, "принятым в соответсвии с целесообразностью": "Проработал недолго, но за непродолжительный срок многое было сделано". pic.twitter.com/hS9cA3ad12
На пытанне аб тым, ці задаволеныя ў Крамлі працай Бабіча на пасадзе пасла РФ у Беларусі, Пяскоў адказаў: «Так».
Адказваючы на пытанне пра магчымае прызначэнне Бабіча на пасаду дарадцы прэзідэнта РФ на Данбасе, Пяскоў нагадаў, што ў Крамлі не анансуюць кадравыя рашэнні прэзідэнта.
«Калі такія рашэнні будуць зробленыя, мы неадкладна, калі будуць падпісаныя адпаведныя ўказы прэзідэнта, мы неадкладна вас праінфармуем», — дадаў Пяскоў.
Пяскоў назваў ад'езд Бабіча з Мінска кадравым рашэннем прэзідэнта Расіі, «якое прымаецца ў адпаведнасці з мэтазгоднасцю». «У дадзеным выпадку гэта рашэнне кіраўніка дзяржавы. Вы ведаеце, што паслы прызначаюцца і вызваляюцца ад пасад паводле ўказа прэзідэнта», — сказаў Пяскоў.
«(Бабіч) прапрацаваў нядоўга, але, тым не менш, за непрацяглы тэрмін досыць шмат было зроблена. Вы ведаеце, што незалежна ад нейкіх там працэсаў, адносіны паміж Расіяй і Беларуссю захоўваюць свой саюзніцкі характар.
Саюзная дзяржава — гэта асаблівае вымярэнне, якое дамінуе ў двухбаковых адносінах паміж Масквой і Мінскам», — сказаў Пяскоў у адказ на пытанне журналістаў пра матывацыю рашэння адклікаць Бабіч.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары