Нацбанк устанавіў на 5 лютага курс еўра на ўзроўні 3 619 рублёў 48 капеек. Яшчэ два тыдні таму ён каштаваў 3 451 рубель 44 капейкі - постдэвальвацыйны мінімум.
Нацбанк устанавіў на 5 лютага курс еўра на ўзроўні 3 619 рублёў 48 капеек, паведамляе сайт галоўнай афіцыйнай установы краіны.
За месяц, што прайшоў ад Новага году (ці дэвальвацыі?) супольная еўрапейская валюта зазнала найбольшыя ваганні ў нашым родным краі.
Новы постдэвальвацыйны курс еўра — 3 703 рублі, устаноўлены Нацбанкам (вечарам?) 1 студзеня, пратрымаўся да 5 студзеня — калі ён папоўз уніз: на 6 студзеня ён быў устаноўлены ў памеры 3 635 рублёў 76 капеек.
На наступны дзень еўра зноў паляцеў уніз — 3 565,93. Цягам некалькіх дзён ён балансаваў у межах 3 500 — 3 600 рублёў, пакуль 16 студзеня не зляцеў за мяжу 3 500 — да ўзроўню 3 492,68.
На 21 студзеня (20 студзеня быў дзень інаўгурацыі Абамы) еўра дасягнуў постдэвальвацыйнага мінімума — 3 451,44.
Потым пачаўся яго паступовы рост — на фоне павышэння курсу даляра. 28 студзеня еўра вярнуўся за мяжу 3 500 — быў устаноўлены на ўзроўні 3 581,20.
Сёння ён вярнуўся за мяжу 3 600.
Курс даляра ўстаноўлены на 5 лютага ў памеры 2 787 рублёў (за суткі вырас на 5 рублёў).
Букмекерам самы час прымаць стаўкі, калі афіцыйны курс даляра перакрочыць мяжу ў 2 800, а еўра вернецца на пазіцыі 2—5 студзеня.
Цяпер чытаюць
Памёр народны артыст Беларусі Яраслаў Еўдакімаў — выканаўца хітоў «Зачарованая мая» і «Фантазёр»7
Каментары