Прэм'ерам Грузіі стаў міністр, які жорстка разагнаў антырасійскія пратэсты
Парламент Грузіі выказаў вотум даверу ўраду на чале з былым кіраўніком МУС Георгіем Гахарыем, піша ria.ru.
Гахарыю падтрымалі 98 з 150 дэпутатаў. Такім чынам яны зацвердзілі новага прэм'ера, абноўлены склад Кабінета міністраў і ўрадавую праграму. Апазіцыя ўдзел у галасаванні не брала.
Гахарыя стаў пятым па ліку прэм'ерам пасля перамогі партыі «Грузінская мара» на парламенцкіх выбарах у 2012 годзе.
2 верасня былы прэм'ер Грузіі Мамука Бахтадзэ заявіў аб сыходзе з пасады, патлумачыўшы сваё рашэнне тым, што ён выканаў усе свае місіі і задачы.
Па законе кандыдатуру на пасаду прэм'ера можа вылучыць палітычная партыя, якая атрымала на парламенцкіх выбарах найлепшы вынік - «Грузінская мара». Яе заснавальнік і старшыня Бідзіна Іванішвілі не хаваў, што ініцыятыва вылучэння кандыдатуры Гахарыі належала яму. Гэта рашэнне раскрытыкавала апазіцыя і яе прыхільнікі.
Менавіта адстаўкі Гахарыі патрабавалі тры месяцы ўдзельнікі пратэстаў у Тбілісі. Яны лічылі, што Гахарыя павінен панесці адказнасць за разгон мітынгу ў цэнтры Тбілісі ў ноч на 21 чэрвеня. Пры разгоне акцыі, якая была справакаваная візітам і выступам у парламенце расійскага дэпутата Сяргея Гаўрылава, пацярпелі 240 чалавек.
Пасля таго як было абвешчана, што Гахарыя можа заняць пасаду кіраўніка ўрада, у Тбілісі паднялася новая пратэстная хваля.
-
Прэм'ерка Літвы: Мы не пойдзем на змякчэнне санкцый супраць Беларусі, нават калі на нас будуць ціснуць
-
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
-
У Грузіі затрымалі грузавік з украінскім гексагенам. Ён нібыта быў прызначаны для аперацыі «Павуцінне-2»
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі11
Каментары