Здароўе11

Навукоўцы выявілі супербактэрыі, якім не шкодзяць антыбіётыкі 

У Вялікабрытаніі за апошнія 10 гадоў было выяўлена 19 новых генетычных механізмаў, якія робяць бактэрыі неадчувальнымі для антыбіётыкаў. Пра гэта піша bbc.com са спасылкай на брытанскае ўрадавае агенцтва Public Health England (PHE).

У агенцтве асцерагаюцца, што антыбіётыкі неўзабаве могуць наогул аказацца неэфектыўнымі. Для гэтага трэба, каб колькасць рэзістэнтных бактэрый у асяроддзі перавысіла пэўны ўзровень.

Адна з галоўных задач аховы здароўя сёння — прадухіляць распаўсюд «супербактэрый», якія маюць адпор да антыбіётыкаў, лічаць медыкі.

У PHE адабралі 1300 узораў такіх бактэрый, сярод якіх былі ўзбуджальнікі ганарэі, стафілакока, запалення мочапалавых шляхоў, нырак і кішачніка. Усе яны маюць устойлівасць да лекаў.

Пры гэтым большасць выяўленых бактэрый устойлівыя і да так званых антыбіётыкаў «апошняга рэзерву» — карбапенему і калістыну. Гэтыя лекі ўжываюць толькі ў самых цяжкіх выпадках.

«Бактэрыі атрымліваюць новыя механізмы супраціву антыбіётыкам, засвойваючы часткі ДНК іншых бактэрый», — тлумачаць у PHE. Акрамя таго, бактэрыі могуць атрымаць устойлівасць шляхам мутацый.

Наступствы пашырэння такіх бактэрый могуць быць катастрафічнымі, кажуць у арганізацыі. Без эфектыўных антыбіётыкаў нават простая хірургічная аперацыя будзе суправаджацца рызыкамі заражэння — аднаўленне пацыента будзе ісці даўжэй, а смяротных выпадкаў стане больш.

Арганізацыі аховы здароўя даўно б'юць трывогу з-за з'яўлення супербактэрый. Паводле статыстыкі, сёння ад хвароб, выкліканых рэзістэнтнымі бактэрыямі, штогод памірае каля 700 000 чалавек. Да 2050 года, па прагнозах медыкаў, колькасць ахвяр такіх захворванняў дасягне 10 млн чалавек.

У пачатку года брытанскі міністр аховы здароўя прадставіў план барацьбы з гэтай праблемай. Ён складаецца ў скарачэнні прыёму антыбіётыкаў.

План ўрада прадугледжвае скарачэнне выкарыстання антыбіётыкаў для лячэння жывых істот на 25% да 2020 года (у параўнанні з 2016 годам).

Мяркуючы па ўсім, гэты метад працуе. У жніўні клініка пры Універсітэце Бэтсі Кадваладр паведаміла, што колькасць захворванняў, узбуджальнікамі якіх з'яўляюцца супербактэрыі, скарацілася на 12,6% за год — пасля таго, якія лекары сталі не так часта выпісваць антыбіётыкі пацыентам.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Анжаліка Мельнікава тыдзень правяла на Шры-Ланцы і вылецела з дзецьмі ў Дубай37

Анжаліка Мельнікава тыдзень правяла на Шры-Ланцы і вылецела з дзецьмі ў Дубай

Усе навіны →
Усе навіны

На парадзе ў Мінску паказалі зенітны комплекс на шасі МАЗ, які выкарыстоўвае Расія ва Украіне3

У Егіпце перакуліўся аўтобус з турыстамі з Беларусі, Расіі і Казахстана

У Мінску прайшоў вайсковы парад у гонар 80-годдзя перамогі над Германіяй10

У Пакістане думаюць, што для іх у Беларусі будуць 198 тысяч вакансій1

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад9

Гіркін назваў магчымыя кірункі наступных украінскіх удараў6

У Мінску ўжо з'явілася новая сіняя разметка1

На парад у Гродне вывелі казу. З ёй аказалася складаней, чым з людзьмі ВІДЭА10

Што вядома пра беларуса Андрэя Сакалоўскага-Станкевіча, якога арыштавалі ў Расіі і абвінавачваюць у падрыхтоўцы дыверсіі2

больш чытаных навін
больш лайканых навін

Анжаліка Мельнікава тыдзень правяла на Шры-Ланцы і вылецела з дзецьмі ў Дубай37

Анжаліка Мельнікава тыдзень правяла на Шры-Ланцы і вылецела з дзецьмі ў Дубай

Галоўнае
Усе навіны →

Заўвага:

 

 

 

 

Закрыць Паведаміць